Fréttir

Lýðræðisnám í Grikklandi

Sjö nemendur ásamt tveimur kennurum eru nú í námsferð í Kalamata í Grikklandi. Þar taka þau þátt í verkefni sem nefnist „Þú hefur líka rödd“ en markmið þess er að þjálfa nemendur í virkri þátttöku í samfélaginu og kenna þeim að axla ábyrgð í lýðræðisþjóðfélagi. Auk Íslendinga og Grikkja taka nemendur frá Tékklandi og Lettlandi þátt í verkefninu.
Lesa meira

Kennarafundi stýrt frá Grikklandi

Fjarvinna og upplýsingatækni eru mikilvægur þáttur í skólastarfi í MTR. Stærstur hluti nemenda eru enda fjarnemar og koma aldrei í skólann og öll samskipti við þá eru á netinu. Kennarar skólans eru einnig búsettir á ýmsum stöðum og sinna kennslu hvar sem þeir eru staddir í heiminum.
Lesa meira

Góð heimsókn frá VMA

Það er gaman að fá gesti í heimsókn og í dag komu átján nemendur í VMA ásamt kennara sínum í heimsókn í skólann. Þetta voru nemendur í útivist og vörðu þau deginum við ýmsa íþróttaiðkun með nemendum MTR. Meðal annars var farið í feluskotbolta og ýmsa aðra leiki í íþróttahúsinu.
Lesa meira

Innritun fjarnema hafin

Innritun í fjarnám á vorönn hófst í morgun og verður opin fram í desember. 46 áfangar eru í boði á vorönninni en þeir lokast um leið og hámarks nemendafjöldi hefur verið skráður til náms. Þannig getur framboð áfanga minnkað hratt svo það borgar sig að hafa hraðar hendur.
Lesa meira

Jonna heimsækir skólann í mánuði myndlistar

Október er mánuður myndlistar og í dag kom Jónborg Sigurðardóttir - Jonna listakona í skólann til að kynna listina sína fyrir nemendum. Jonna vinnur í margvísleg efni en oftast er hún að endurnýta efni sem annars færu á haugana.
Lesa meira

Líf og fjör í Lundúnum

Nemendur í skapandi tónlist hafa æft með félögum sínum í London undanfarna daga en hópur frá skólanum er nú í námsferð í heimsborginni. Þetta er þó ekki í fyrsta sinn sem okkar menn hafa unnið með þessu fólki því um hríð hefur verið samvinna gegnum netið við nemendur í London College of Music, tónlistardeildinni innan University of West London.
Lesa meira

Heilsurækt og gjörningalist í miðannarviku

Nú stendur yfir miðannarvika í skólanum og þá fellur hefðbundin kennsla niður en nemendur fást við ný og fjölbreytt verkefni og njóta leiðsagnar nýrra kennara. Kennarar skólans sinna hinsvegar námsmati í vikunni.
Lesa meira

Námsferð til Lundúna

Þrettán manna hópur frá MTR er nú í námsferð í Lundúnum. Þetta eru ellefu nemendur og tveir kennarar sem munu dvelja í heimsborginni fram að helgi við leik og störf. Allt er þetta tónlistarfólk og markmið ferðarinnar er að kynnast tónlistarlífinu í borginni og spila á tónleikum með tónlistarnemum í London.
Lesa meira

Nemendaþjónusta MTR

Sigríður Ásta Hauksdóttir, náms - og starfsráðgjafi og Guðrún Þorvaldsdóttir iðjuþjálfi halda utan um Nemendaþjónustu MTR þetta skólaár, en samhliða er starfandi stoðþjónustuteymi við skólann. Hlutverk teymisins er m.a. að finna leiðir til að mæta námslegum styrkleikum, vera kennurum til ráðgjafar um kennslu, samstarf við grunnskóla.
Lesa meira

Góð vinna nýnema á Forvarnardeginum

Forvarnardagurinn var haldinn í Menntaskólanum á Tröllaskaga í dag. Dagurinn er haldinn í skólum landsins á hverju hausti og þá er sjónum sérstaklega beint að ungmennum í 9. bekk og á fyrsta ári í framhaldsskóla, þema dagsins var andleg líðan ungmenna.
Lesa meira