Starfsmannastefna

Forsenda góðs árangurs í skólastarfi er fjölhæft og traust starfsfólk.
Starfsmenn Menntaskólans á Tröllaskaga vilja að í skólanum ríki andi jafnræðis þar sem hver starfsmaður nýtur sín og vex í starfi. Í skólanum séu greið samskipti þar sem hverjum starfsmanni finnst hann vera mikilvægur hluti af heildinni.

Markmið starfsmannastefnu Menntaskólans á Tröllaskaga

Ráðningar:
Hjá Menntaskólanum á Tröllaskaga er staðið löglega og faglega að ráðningum.

  • Öll störf eru auglýst í samræmi við starfsmannalög.
  • Ráðning byggist á hæfni umsækjenda.
  • Jafnréttissjónarmiða er gætt við mannaráðningar.
  • Nýr starfsmaður fær kynningu á skólanámskrá og er tilbúinn til að starfa í anda hennar.


Móttaka og þjálfun nýliða:
Nýir starfsmenn Menntaskólans á Tröllaskaga njóta leiðsagnar og stuðnings.

  • Vel er tekið á móti nýjum starfsmönnum.
  • Skólinn og reglur hans eru kynntar nýjum starfsmönnum.


Starfsþróun / símenntun:
Litið er á starfsþróun sem virkan þátt í skólastarfinu og stefnt að því að

  • starfsmenn séu ánægðir og vaxi í starfi.
  • hlutverk starfsmanna séu skýr og þeir fái hvatningu í starfi.
  • tryggja að starfsmenn eigi kost á símenntun, bæði innan stofnunar og utan, til að auka þekkingu sína og faglega hæfni. Það er jafnt á ábyrgð starfsmanns sem yfirmanns að viðhalda og bæta fagþekkingu og aðra sérþekkingu sem nauðsynleg er starfsins vegna.


Endurgjöf, laun, umbun:
Skólinn veitir endurgjöf og umbun til starfsmanna vegna starfa og samskipta.

  • Endurgjöf til starfsmanna er regluleg og formleg en einnig óformleg eftir atvikum.
  • Skólinn leggur sitt af mörkum til að styrkja jákvæðan starfsanda og félagslíf starfsmanna.


Jafnrétti:
Hjá Menntaskólanum á Tröllaskaga eru jafnréttissjónarmið í hávegum höfð.

  • Samvinna og gagnkvæm virðing ríki milli allra starfsmanna skólans.
  • Tækifæri til framgangs í starfi stjórnist af hæfni einstaklingsins en ekki af kynferði, aldri eða öðrum aðgreinandi þáttum.


Upplýsingar og samskipti:
Í Menntaskólanum á Tröllaskaga er stöðugt miðað að bættum samskiptum, bæði huglægum og hlutlægum.

  • Upplýsingar um starfsemi skólans séu aðgengilegar á heimasíðu skólans, http://www.mtr.is, - upplýsingar um stefnu skólans og námskrá skólans.
  • Miðað skal að að boðleiðir og reglur séu skýrar.
  • Starfsmenn hafi yfirsýn yfir skólastarfið og beri sjálfir ábyrgð á að afla sér upplýsinga sem þá varðar.
  • Allir sem starfa við skólann temja sér jákvæð og uppbyggjandi samskipti.
  • Starfsmenn vinni saman sem liðsheild að eflingu skólans.
  • Siðareglur starfsmanna. Starfsmönnum ber að fara eftir stjórnsýslulögum og siðareglum skólans eins og þær eru hverju sinni.


Starfsskilyrði:
Í Menntaskólanum á Tröllaskaga er leitast við að starfsmenn hafi aðstöðu og aðbúnað til að sinna starfi sínu eins og til er ætlast.

  • Að ákvarðanataka í skólanum sem varðar starfsmenn sé gagnsæ og í samræmi við góða stjórnsýsluhætti.
  • Að skólinn leitist við að skapa starfsmönnum heilsusamlegt og öruggt starfsumhverfi.


Notkun vímuefna:

  • Öll notkun vímuefna í kennsluhúsnæði skólans og lóð er bönnuð.
  • Menntaskólinn á Tröllaskaga veitir starfsmönnum leiðbeiningar og aðstoð til að vinna úr vandamálum sem tengjast notkun vímuefna.


Starfslok:
Menntaskólinn á Tröllaskaga stefnir að því að þegar starfsmenn hverfa frá störfum sé það í sátt.

  • Að farið sé að starfsmannalögum varðandi starfslok hver svo sem ástæða þeirra er.
  • Að starfsmönnum sé gert kleift að ljúka störfum á farsælan hátt.


Starfsmenn leggja sig fram um að starfa í anda einkunnarorða skólans:

  • Frumkvæði - sköpun - áræði


Endurskoðað mars 2013