Fréttir

Kolbrún Helga Gunnlaugsdóttir er frá Siglufirði. Hún útskrifaðist af félags- og hugvísindabraut MTR 2015. Í framhaldi af því fór hún í sálfræði í Háskólanum á Akureyri og útskrifaðist með B.A. gráðu árið 2019. Kolbrún Helga býr í dag á Akureyri og starfar sem fagaðili í Skógarlundi, miðstöð virkni og hæfingar fyrir fullorðið fólk með fötlun.

Þessa dagana er 14 manna hópur frá MTR staddur úti í Portúgal að taka þátt í verkefni sem kallast "Becoming a Biomaker School", snýst það um þau heimsmarkmið Sameinuðu þjóðanna sem lúta að umhverfi og sjálfbærni.

Nemendurnir eru allir í áfanganum MYNL3LF05 - Myndlist, listgildi og fagurfræði og hafa verið að skoða myndlist frá sjónarhóli fagurfræðinnar. Sýningin samanstendur af verkum sem fjalla um hið fagra, hið háleita og hið gróteska. Túlkun þeirra er ólík og nálgast þau viðfangsefnið hver með sínum hætti. Tengill á sýningu hér

Ólöf María Einarsdóttir er frá Dalvík. Hún útskrifaðist af íþróttabraut MTR að lokinni haustönn 2017. Í framhaldi af því hefur hún stundað nám í bæði sjávarútvegs- og viðskiptafræði við Háskólann á Akureyri. Hefur hún lokið sjávarútvegsfræðinni og klárar viðskiptafræðina í gegnum fjarnám nú á vordögum.

Vetraríþróttir eru vinsælar á Tröllaskaga og íbúarnir elska að leika sér í snjónum. Einn þeirra er Frímann Geir Ingólfsson nemandi í MTR en hann kýs vélsleða fram yfir skíðin og sigraði í sportflokki í snjókrossi um síðustu helgi.

Erla Vilhjálmsdóttir er frá Ólafsfirði. Hún útskrifaðist af félags- og hugvísindabraut MTR vorið 2015. Haustið eftir hóf hún nám í félagsfræði við Háskóla Íslands og stundaði samhliða því diplómanám í viðburðastjórnun við Háskólann á Hólum. Vorið 2022 lauk hún diplómanámi í upplýsingafræði á meistarastigi við Háskóla Íslands.

Það var Hollywood þema á árshátíð nemendafélagsins Trölla sem haldin var í skólanum í gær. Nemendur og starfsfólk fjölmenntu og einnig var 10. bekkingum í Grunnskóla Fjallabyggðar boðið að vera með í gleðinni en mörg þeirra eru heimavön í skólanum.

Í gær komu nemendur 10. bekkjar Dalvíkurskóla í heimsókn. Þetta er fólkið sem er að velja framhaldsskóla fyrir næsta vetur og því upplagt að kynna sér hvað er í gangi í MTR, handan við Múlann.

Það er hægt að kenna tölfræði á margvíslegan hátt og ekkert endilega með formúlum í bók eða töflureikni á skjá. Þetta veit enginn betur en Inga Eiríksdóttir stærðfræðikennari sem er fundvís á nýstárlegar aðferðir við stærðfræðikennslu.

Innritun í fjarnám stendur nú yfir fyrir haustönn 2023. Ekki er kennt á sumarönn í skólanum. Vinsamlegast skráið umsóknir í gegnum heimasíðu skólans.