Í Menntaskólanum á Tröllaskaga leggur starfsfólk sig fram um að veita nemendum skólans fyrirmyndarþjónustu.

Við móttökuborð skólans situr Björg Traustadóttir (bjorg@mtr.is) sem einnig sér líka um bókasafn og ræstingu innanhúss. Á skrifstofunni með Björgu er Jónína Kristjánsdóttir (jonina@mtr.is) hún sinnir ýmsum skrifstofustörfum, þrifum og kemur inn á starfsbraut. Á skrifstofunni starfar einnig Gísli Kristinsson (gisli@mtr.is) við tölvu- og tækniumsjón sem veitir upplýsingar og aðstoðar nemendur við það snýr að tæknimálum auk þess að sinna húsvörslu.

Náms- og starfsráðgjafi er Sigríður Ásta Hauksdóttir (sigga@mtr.is) sem er með fasta viðveru á mán-miðvikudögum frá kl. 8:00-16:00. Hennar skrifstofa er á Kvíabekk sem er innst í kennslu álmu skólans. Hún liðsinnir nemendum um nám og námsval, aðstoð í námi og námstækni auk þess að aðstoða nemendur varðandi líðan og félagslega þætti. Kristján Már Magnússon sálfræðingur er með fasta viðveru einu sinni í viku á miðvikudögum (kristján@reynismenn.is). Hægt er að panta tíma hjá honum í samráði við náms- og starfsráðgjafa (namsradgjof@mtr.is). Nemendur hafa aðgang að Heilbrigðisstofnuninni í Fjallabyggð á opnunartíma (hún er staðsett sunnan við knattspyrnuvöllinn). Skólahjúkrunarfræðingur kemur einu sinni í viku. Ekki þarf að panta viðtal og er þjónustan ókeypis.

Mötuneyti skólans er staðsett í sal skólans Hrafnavogum, og er umsjónaraðili Ida Semey (ida@mtr.is). Mötueytið er opið alla virka daga frá 11:30-12:30 og býður upp á heitan mat. Mötuneytið er opið fyrir alla bæjarbúa og aðra gesti. Mötuneytið leggur áherslu ferskt hráefni og reynir að fremsta megni að spyrna gegn matarsóun.

Skólaakstur er í boði bæði til og frá Dalvík og eins til og frá Siglufirði (sjá nánar skólakstur hér til hliðar).