Fréttir

Hugmyndafræði og starf MTR hefur vakið athygli langt út fyrir landsteinana og talsverð spurn er eftir skólaheimsóknum, fyrirlestrum og námskeiðum frá kennurum skólans. Þar sem slík starfsemi á ekki heima innan ríkisrekins framhaldsskóla tóku áhugasamir kennarar sig til og stofnuðu fræðslusamfélagið Via Nostra.

Á tímum þar sem aldagömul gildi eins og kynjatvíhyggja hafa riðlast og rödd minnihlutahópa verður sífellt háværari er kynjafræði sífellt mikilvægari fræðigrein. Í kynjafræði er nýju ljósi varpað á viðfangsefni sem margir skynja sem algildan sannleik eða hlutlausa sýn á heiminn. Kennarar áfangans eru Guðrún Þorvaldsdóttir og Guðbjörn Hólm Veigarsson.

Náttúrulæsi var annar af áföngunum sem kenndur var í miðannarvikunni. Áfanginn var að stærstum hluta kenndur úti í náttúrunni og miðaði að því að auka þekkingu nemenda á umhverfi sínu og virðingu fyrir náttúrunni.

Á vorönn er í þriðja sinn boðið upp á valáfanga þar sem fjallað er kynheilbrigði í víðum skilningi. Meðal annars er rætt og frætt um samskipti á netinu, kynferðislega áreitni og hvernig tilfinningar, sjálfsmynd og samskipti geta haft áhrif á væntingar og mörk.

Fimmtán manna hópur nemenda og kennara eru nýkomin heim frá Brussel þar sem þau tóku þátt í námskeiði í sirkus listum. Þetta var liður í miðannarviku og því formlegt nám í skólanum þó óvenjulegt sé.

Val fyrir vorönn 2023 hefst 18.10.2022 og stendur yfir í viku. Hér má sjá áfanga í boði

Erasmus dagarnir eru í dag og næstu tvo daga en þá er vakin athygli á þeim fjölmörgu verkefnum sem Erasmus+ áætlunin hefur styrkt undanfarin ár. MTR fékk vottun sem Erasmus skóli í mars í fyrra og hafa nemendur og kennarar notið góðs af því.

Því miður byrjar miðannarvikan ekki vel hjá okkur. Vegna veðurs og ófærðar tókst kennurum áfangans í miðannarvikunni ekki að komast hingað í tæka tíð. Dagskráin mun breytast vegna þessa og eru nemendur beðnir um að mæta hingað í skólann í fyrramálið, þriðjudag, en ekki í skógræktina á Siglufirði.

Nemendur MTR lögðu niður störf og gengu út kl. 11 í morgun. Með þessu vilja þau sýna nemendum MH stuðning en þar gengu nemendur út úr kennslustundum og söfnuðust saman fyrir utan skólann til að sýna þolendum kynferðisofbeldis stuðning en einnig til að mótmæla aðgerðarleysi skólastjórnenda þegar upp koma kynferðisbrotamál innan skólannna.

Forseti Íslands mætti í matarboð í skólanum á föstudagskvöldið. Tilefnið var hátíðarkvöldverður sem er liður áfanganum Matur og menning. Auk nemenda af Tröllaskaga var það hópur nemenda frá Ítalíu og Spáni sem kom að undirbúningi veislunnar og á boðstólum voru hefðbundnir íslenskir réttir.