Fréttir

Fyrsta skólaheimsóknin eftir Covid var í gær þegar hópur 60 kennara frá Álaborg kom í skólann. Markmið dönsku kennarana er að kynna sér kennslu í upplýsingatækni, nýsköpun og stafrænum lausnum í skólum á Norðurlandi.

Langflest starfsfólk MTR uppfyllir samgöngusáttmála skólans en hann kveður á um að ferðast til og frá vinnu með vistvænum hætti. Á þessari önn uppfylla 94,6% starfsmanna samgöngusáttmálann.

Þessa viku var svokölluð lýðræðisvika í MTR eins og í 26 öðrum framhaldsskólum á landinu. Þá er lögð áhersla á umræður og fræðslu um stjórnmál og mikilvægi þess að taka upplýsta ákvörðun áður en gengið er til kosninga.

Kennarar í MTR hafa nú sent öllum nemendum sínum í öllum áföngum fyrstu athugasemdir annarinnar. Þetta er hluti af námsmatinu því á þriggja vikna fresti gefa kennarar öllum nemendum sínum í öllum námsgreinum skriflega endurgjöf.

Í dag voru afhent verðlaun fyrir þátttöku í nýnemadeginum í síðustu viku. Í MTR er ekki busavígsla eins og í mörgum framhaldsskólum heldur eru nýnemar boðnir velkomnir með leikjum og grillveislu í hádeginu. Keppt var í ratleik og þurftu nýnemarnir að leysa ýmsar þrautir og taka myndir.

Höfgar nauðir nefnist innsetningarverk sem Þorbjörg Signý Ágústsson, nemandi í MTR sýnir nú í Hellisgerði í Hafnarfirði. Verkið þróaði hún í myndlistaráfanga hjá Bergþóri Morthens síðasta vetur en í sumar vann hún á vegum skapandi starfa í Hafnarfirði að því að smíða og setja upp verkið.

Mikil áhersla er á skapandi starf í MTR. Bæði á það við um fjölbreytt og skapandi verkefnaskil í öllum námsgreinum en einnig á hinar hefðbundnu skapandi greinar eins og myndlist, tónlist og ljósmyndun. Hægt er að ljúka stúdentsprófi af listabraut með áherslu á fyrrnefndar greinar.

Skólahald í MTR fer vel af stað og er að komast í fastar skorður. Á mánudaginn byrjar mötuneytið í skólanum sem í vetur er í samstarfi við Höllina í Ólafsfirði. Matseðillinn fylgir að hluta til matseðlinum hjá Grunnskóla Fjallabyggðar.

Á morgun, miðvikudag hefst kennsla í Menntaskólanum á Tröllaskaga. Ekki verður formleg skólasetning heldur mæta nemendur í skólann samkvæmt stundaskrá. Skólinn býður upp á morgunhressingu og hádegismat fyrir nemendur fyrsta kennsludaginn.

Í dag og á morgun eru svonefndir vinnudagar í Menntaskólanum á Tröllaskaga. Þá hittast allir kennarar skólans og ræða um kennsluna og stefnu skólans í ýmsum málum. Þá eru ýmis fræðsluerindi á vinnudögum og að þessu sinni ræðir Ingibjörg Þórðardóttir við starfsfólk um ofbeldi og kynferðisofbeldi með það að markmiði að fólk þekki einkenni ofbeldis og hvernig það getur birst í skólastarfinu. Einnig er rætt um endurmenntun þá sem kennarar hafa stundað í sumar. Í ljós kom að mörg höfðu þeirra hafa hugað að eigin heilsu og vellíðan og safnað kröftum eftir erfiðar annir í heimsfaraldri. Í ljós kom að þrátt fyrir að þrátt fyrir að skólastarfið hafi gengið nokkuð vel í MTR í faraldrinum hefur þessi nýja staða tekið á kennara og starfsfólk. Á komandi önn verður hugað sérstaklega að vellíðan kennara og verður fagfundum kennara varið í það starf. Á myndinni eru Margrét Laxdal, Brigitta Sigurðardóttir, Björk Pálmadóttir, Inga Eiríksdóttir og Guðrún Þorvaldsdóttir. Björk er í nærveru í miðjunni og sr. Bjarni Þorsteinsson fylgist glöggt með á málverki eftir Bergþór Morthens