Fréttir

Nemendur í MTR fengu smá sýnikennslu í grunnatriðum box. Fyrsti hálftími dagsins í skólanum er skipulagður í ýmiskonar uppbrot þar sem kennarar koma inn með fræðslu og þá oftast eitthvað sem sýnir nýja hlið á kennurunum. Bergþór Morthens myndlistarkennari fór yfir nokkur grunnatriði með nemendum sem fengu svo að spreyta sig. Nemendur sýndu góð tilþrif og fengu smjörþefinn af hinni göfugu list sem boxið er.

Við óskum öllum nær og fjær farsældar og gleði á nýju ári. Námið byrjar 3. janúar samkvæmt fyrirmælum í Moodle kennslukerfi skólans. Fullt er í fjarnám. Nemendur eiga að hafa fengið upplýsingar frá kennara í tölvupósti hvernig þeir skrá sig í áfanga sína í kennslukerfinu. Nemendur sjá áfanga sína í Innu. Sé eitthvað óljóst geta fjarnemar haft samband við Birgittu umsjónarkennara sinn birgitta@mtr.is Fyrstu skil verkefna eru 8. janúar. Hlökkum til að starfa með ykkur í vetur.  

Þrjátíu nemendur brautskráðust frá Menntaskólanum á Tröllaskaga í dag. Alls hafa nú 495 nemendur brautskráðst frá skólanum en þetta er þrettánda starfsár hans.

Við höfum nú lokað fyrir innritun í fjarnám þar sem allt er orðið yfirfullt. Viljum við þakka frábærar móttökur og hlökkum til að hitta nýnemana okkar á nýju ári. Skráðir nemendur hafa fengið innheimtuseðil í banka og sjá í Innu hvaða áfanga þeir komust í. Námið hefst 3. janúar og fyrstu skil á verkefnum til lokaeinkunnar verða 8. janúar 2023.

Listamaðurinn Egill Logi Jónasson frá Akureyri heimsótti skólann á dögunum og kynnti sig og list sína fyrir nemendum í myndlist og öðrum skapandi greinum. Egill er maður ekki einhamur í listinni því hann fæst jöfnum höndum við málverk, skúlptúra og gjörningalist og tónlist.

Alþjóðlegur dagur mannréttinda er í dag, 10. desember. Í skapandi greinum eins og myndlist eru nemendur oftlega að fjalla um mannréttindi eins og sjá má á meðfylgjandi málverkum.

Laugardaginn 10. desember verður opnuð sýning á verkum nemenda MTR. Þar er sýndur afrakstur vinnu nemenda frá haustönninni undir kjörorðunum frumkvæði, sköpun og áræði. Sýningin verður í skólahúsinu frá kl. 13-16 en einnig á netinu.

Á dögunum staldraði Geðlestin við í skólanum á hringferð sinni um landið. Geðlestin er verkefni á vegum Geðhjálpar og Hjálparsíma Rauða krossins og er ætlað að vekja athygli á mikilvægi geðheilsu og verndandi þáttum hennar.

Evrópska nýtnivikan var í síðustu viku og áhersla var að þessu sinni á textíl. Meðal annars var hvatt til þess að fyrirtæki og stofnanir komi upp fataskiptaslá. Slík slá hefur reyndar verið í MTR um árabil og nemendur og starfsfólk eru dugleg að skilja eftir fatnað og finna sér flíkur til að nota áfram.

Framhaldsskólarnir á Norðurlandi og Bjarmahlíð, miðstöð fyrir þolendur ofbeldis á Norðurlandi hafa undirritað samkomulag um þróun samstarfs fyrir ungmenni á framhaldsskólaaldri.