Fréttir

Í dag voru brautalýsingar uppfærðar og betur upp talið hvaða áföngum nemendur þurfa að ljúka. Eru nemendur hvattir til að skoða sína braut vel undir valkostinum - Námið

Ýmsar furðuverur heimsóttu skólann í gær og sungu fyrir nammi.  Að sjálfsögðu voru þær myndaðar og hér eru myndir af þeim.          

Námsval fyrir haustönn 2011 hefst 16. mars (ath. breytingu) og verður kynnt í fundartímanum kl. 10:35 í stofum 1 og 2. Nemendur frá A til Hörpu Hrannar mæta í stofu 1 og Heiðrún til Ö mæta í stofu 2. Þar verður farið yfir þessi mál ásamt fleiru. Síðan geta nemendur leitað til umsjónarkennara sinna með valið. Hér eru þeir áfangar sem verða í boði en það fer síðan eftir því hversu margir velja hvern áfanga hvort hann verður kenndur.

Kjördæmavika Alþingis er okkur kærkomin því enn koma góðir gestir. Í dag kom Tryggvi Herbertsson alþingismaður og með honum Guðmundur Skarphéðinsson þaulreyndur sveitarstjórnarmaður úr Fjallabyggð. Þeir kynntu sér skólastarfið og ræddu við starfsmenn og nemendur.

Þingmenn Samfylkingarinnar komu í heimsókn í skólann í gær. Ræddu þau við nemendur og starfsfólk, kynntu sér skólann og umhverfið. Þetta voru þau Jónína Rós Guðmundsdóttir, Sigmundur Ernir Rúnarsson og Kristján L. Möller.

Góðir gestir þau Þuríður Bachman og Björn Valur Gíslason komu í skólann í gær. Þau gáfu sér góðan tíma til að ræða við starfsmenn, skoða verkefni nemenda og setja sig vel inn í þau verkefni sem að okkur snúa. 

Þorkell V. Þorsteinsson aðstoðarskólameistari Fjölbrautaskóla Norðurlands vestra og Þorsteinn Broddason verkefnisstjóri Impru á Sauðárkróki komu í heimsókn. Voru þeir að skoða hugsanlegt samstarf milli skólanna sem og milli MTR og FabLabsem staðsett er í Impru á Sauðárkróki. Brugðið vará leik í stúdíói skólans eins og sjá má á meðfylgjandi myndum. (Sjá myndir stærri)

Í dag eru nemendur úr grunnskóla Dalvíkurbyggðar í heimsókn í skólanum. Þetta er 10. bekkur sem er að skoða hvort Menntaskólinn á Tröllaskaga er með nám sem hentar þeim. Þau fara í kennslustundir og fá síðan kynningu á nemendafélaginu og skólanum. Við bjóðum þau velkomin!

Nú á vorönn býður skólinn upp á áfanga ÍÞÞ2A03 sem gefur nemendum tækifæri til að stunda sína íþróttaiðkun af meiri krafti. Áfanginn hentar nemendum sem eru í a) Afreksþjálfun, það er nemandi sem er í landsliðsúrtaki og hefur klár framtíðarmarkmið í sinni íþróttagrein, b) Íþróttaþjálfun, það er nemandi sem er í skipulagðri markvissri íþrótta- og keppnisþjálfun undir handleiðslu menntaðs þjálfara og c) Heilsuræktarþjálfun, það er nemandi sem er að stunda markvissa, skipulagða heilsurækt. Þeir sem hafa áhuga er hvattir til að skrá sig í áfangann hjá áfangastjóra en nánari upplýsingar veitir Óskar (oskar@mtr.is).

 Ný aksturstafla hefur tekið gildi frá deginum í dag og er á vef Fjallabyggðar  Við óskum bara eftir ferðum við upphaf og lok kennsludags sem er: 7:50 Siglufjörður - Ólafsfjörður 16:30 Ólafsfjörður - Siglufjörður, mánudag til fimmtudags 14:10 Ólafsfjörður - Siglufjörður, föstudaga Skipulag rútuferða er alfarið í höndum Fjallabyggðar.