Fréttir

Hörður Geirsson, safnvörður kennir ljósmyndasögu í þemaviku. Allri hefðbundinni kennslu er vikið til hliðar og nemendur sinna ýmsum viðfangsefnum sem þeir hafa valið sér. Hörður sýnir votplötumyndir (Wet Plate) sem er tækni frá árinu 1849. Myndavél Harðar er frá 1880 og fylgir myrkrakassi, færanlegt myrkraherbergi.

Nám  Hvar  Námsáætlun  FabLab Vestasta, Sauðárkrókur Hjá Bergþóri Morthens Hljómsveitarbúðir Tjarnarborg Hjá Magnúsi Ólafssyni Íþróttir - Hreyfing - Útivist Sjá námsáætlun Áætlun fyrir íþróttir, hreyfingu og útivist Leiklist Tjarnarborg Hjá Guðmundi Ólafssyni Listljósmyndun Skuggaskjól Ljósmyndun, miðannarvika Námsdagar Lesstofa Hjá Jónu Vilhelmínu Héðinsdóttur Spurningakeppni Neon Hæringur Hjá Ingu Eiríksdóttur Þemadagar Kvíabekkur, Akureyri Í Moodle Tröllaskagi Kleifar Í Moodle Öll námskeiðin hefjast á mánudag kl. 08:30 og verða til 15:30 nema annað sé ákveðið.

Björn Þór Ólafsson, skíðamaður og göngugarpur hefur lýst helstu gönguleiðum í nágrenni Ólafsfjarðar og lýsingarnar eru á heimsíðu Fjallabyggðar. Hann telur að nýta megi fjöll, dali og ekki síst Ólafsfjarðarvatn í mun meira mæli en gert er til skipulagðrar afþreyingar fyrir ferðamenn. Óliver Hilmarsson sagði einnig frá sínu áhugamáli í Tröllaskagaáfanga en hann telur aðstæður í Ólafsfirði einkar ákjósanlegar til að renna sér á öldum hafsins á brimbretti. Myndir

Búið er að birta efni þemadaganna sem liggur frammi í afgreiðslu en einnig er tengill hér: Þemadagar, lýsingar Eins og áður hefur komið fram er skyldumæting hjá öllum þessa viku. Þeim sem ekki ná að velja sér smiðju verður raðað í hópa eftir því hvar er laust.  Athugið: Takmarkaður fjöldi er í suma hópanna.

Skrautlegir búningar, fjörugir leikir og pitzzuveisla settu svip á nýnemadaginn. Á myndinni er Linda formaður nemendafélagins með nýnemunum Helgu, Jóhönnu og Guðnýju.

Þessi ljósmynd Gísla Kristinssonar, starfsmanns skólans er mynd dagsins (07.10.11) á heimasíðu bandaríska fyrirtækisins The Imaging Resource. Eftir mánaðamótin verða veitt verðlaun fyrir bestu myndina sem birt verður í október. Sjá hér 

Haukur Snorrason er frumkvöðull á sviði afþreyingar. Hann miðlaði nemendum í Tröllaskagaáfanga af reynslu sinni í vikunni. Fyrirtæki Hauks Artex býður upp á svokallaða LaserTag leiki, sem bæði er hægt að stunda úti og inni. Leikur með litboltaboga fer hins vegar aðeins fram á sérstöku útisvæði.  Myndir

Friðjón Árni Sigurvinsson, formaður Björgunarsveitarinnar í Dalvíkurbyggð greindi nemendum í Tröllaskagaáfanga frá sjálfboðaliðastarfi að björgunarmálum og sýndi búnað sinn. Um tvö þúsund félagar eru á útkallslista sveitanna í landinu. Þetta fólk er til taks til leitar eða aðstoðar hvort sem krakki týnist, maður fellur í jökulsprungu eða áhöfn skips lendir í sjávarháska.

Verklegur tími í áfanganum Inngangur að náttúruvísindum. Nemendur kynntu sér lifnaðarhætti gæsarinnar og komust að því að hún malar fæðuna í fóarninu og til að það takist þarf hún að éta sand. Á mörgum heimilum heyrir til hefðbundinna starfa að gera mat úr bráð og tóku nemendur þátt í að undirbúa það að gera krásir úr bringum gæsanna.  Myndir

Þann 30. september verður haustþing framhaldsskóla á Norðurlandi haldið í Menntaskólanum á Akureyri. Öll kennsla fellur niður þann dag. Þetta er eina leyfið sem nemendur fá á haustönn.