Enska – ENS3D05

Lýsandi heiti áfanga: Yndislestur
Framhaldsskólaeiningar: 5 einingar
Undanfari: amk. 10 einingar í ensku á 2. þrepi

Lýsing á efni áfangans:
Áfanginn gengur út á að nemendur lesi enskan texta sér til ánægju og yndisauka.  Í stað tímasóknar er lögð áhersla á sjálfstæð vinnubrögð nemenda þar sem þeir nýta tímann til lesturs og verkefnavinnu sem tengist textanum.

Lokamarkmið áfanga:
Nemandi skal hafa aflað sér almennrar þekkingar og skilnings á:

• mismunandi tegundum bókmennta
• enskum bókmenntum og samfélaginu eins og það birtist í bókmenntum
• orðaforða sem gerir honum kleift að tileinka sér með góðu móti lesefni í áframhaldandi námi eða starfi.

Nemandi skal hafa öðlast leikni í að:

• lesa sér til gagns og gamans bókmenntatexta
• skilja meginefni óstytts bókmenntatexta.
• vnna með nýjan orðaforða

Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig á ensku um efni sem hann hefur kynnt sér til hlýtar
• átta sig á samfélagslegri skírskotun og ná duldum boðskap og hugmyndum
• tjá rökstudda afstöðu og taka þátt í málefnalegri umræðu um bókmenntir

Námsmat:
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar