fjármál, læsi
Einingafjöldi: 5
Þrep: 1
Í áfanganum er farið í gildi fjármála fyrir einstaklinginn, fyrirtækið og samfélagið. Lögð verður áhersla á fjármálalæsi sem hagnýta fræðigrein sem nýtist öllum í námi og starfi. Í áfanganum er fjallað um ábyrgð á sviði fjármála, tekjur, útgjöld, sparnað, lánamál, peningaáhyggjur, eðli peninga, fjármálastofnanir og ýmislegt fleira. Fjármálalæsi felur í sér getu til að greina valkosti í fjármálum, fjalla um peninga án vandkvæða, gera áætlanir til framtíðar og bregðast skynsamlega við breyttum forsendum ákvarðana í fjármálum, þar með talið í efnahagsumhverfinu. Fjármálalæsi byggist á þekkingu, viðhorfum og hegðun og snýst um að geta tekið upplýstar, meðvitaðar ákvarðanir í fjármálum til lengri og skemmri tíma. Lögð er áhersla á sjálfstæð vinnubrögð og að nemendur taki ábyrgð á því að skipuleggja vinnu sína og læri að nýta sér þau hjálpartæki sem í boði eru.
Þekkingarviðmið
- einföldum fjármálum daglegs lífs
- lestri launaseðla og annarra fjármálatengdra skjala
- tilgangi skatta og annars frádráttar
- rekstri heimilis og bifreiðar
Leikniviðmið
- reikna gróflega útborgun launa eftir skatt
- gera sér grein fyrir daglegum kostnaði, t.d. fæði og húsnæði
- leita sér upplýsinga sem aðstoðar við nauðsynlega útreikninga
Hæfnisviðmið
- gera sér grein fyrir mikilvægi peninga
- skilja tilgang skatta og gjalda og hvernig þeir nýtast
- skilja mikilvægi þess að tekjur séu hærri en gjöld
- tileinka sér ábyrgð á eigin fjármálum og átta sig á að tekjur og gjöld verða að standast
Nánari upplýsingar á námskrá.is