AÍÞR1AÍ03 - Afreksíþróttaþjálfun
Afreksíþróttir
Einingafjöldi: 3
Þrep: 1
Nemendur stunda markvisst og skipulega afreksþjálfun í íþrótt sinni 3-4x í viku með sérhæfðum þjálfara eða fagaðila. Í þessum áfanga er sérstök áhersla lögð á fjölbreyttar og krefjandi æfingar sem nemendur fá að kynnast og læra.
Þekkingarviðmið
- mikilvægi þess að þjálfun sé markviss og skipulögð til að ná árangri
- líkamlegu formi og hvernig það er þjálfað markvisst og skipulega
- hvað markmið séu og hvernig þau eru byggð upp til skemmri tíma
- uppsetningu og innihaldi æfingadagbóka
- hvernig þjálfunaráætlun er uppbyggð
- ýmsum mikilvægum æfingum, s.s. endurheimtaræfingum, fyrirbyggjandi æfingum og sérhæfðum líkamlegum æfingum.
Leikniviðmið
- setja upp heilsteypta markmiðaáætlun til skemmri tíma
- meta líkamlegt form sitt
- læra að þekkja kosti og galla sína sem íþróttamaður í þeirri íþróttagrein sem hann iðkar
- framkvæma fjölbreytt og öðruvísi hreyfiform við endurheimt og viðhald líkamlegrar getu
- setja upp þjálfunaráætlun til skemmri tíma þar sem unnið er með þau markmið sem nemandi hefur sett sér.
Hæfnisviðmið
- nýta þjálfun sína sem best til að ná sem bestum árangri í íþrótt sinni
- útbúa sér markmiða- og þjálfunaráætlun til skemmri tíma sem tekur til mikilvægustu þátta þjálfunar út frá líkamlegu formi og getu viðkomandi
- framkvæma æfingaáætlun undir eftirliti kennara, þjálfara eða fagaðila sem nemandinn hefur gert með aðstoð kennara, þjálfara eða fagaðila.
Nánari upplýsingar á námskrá.is