veðurfræði
Einingafjöldi: 5
Þrep: 2
Forkröfur: Inngangur að náttúruvísindum
Í áfanganum er lögð áhersla á að nemendur öðlist skilning á lofthjúpi jarðar, lagskiptingu hans og helstu einkennum. Í áfanganum er farið í hvernig mismunandi veðrakerfi verða til og þróast og hvernig staðsetning veðrakerfa og landslag hefur áhrif á veðurfar á hverjum stað. Nemendur læra að lesa í veðurkort, og nýta sér vefsíður til að draga ályktanir um veðurfar. Nemendur læra um helstu hafstrauma jarðarinnar og samspil hafstrauma og veðrakerfa. Farið er yfir veðurfarsbreytingar og sveiflur bæði af náttúrulegum- og af mannavöldum og humyndir vísindamanna um þróun veðurfars á jörðinni.
Þekkingarviðmið
- efnasamsetningu, lagskiptingu, og eðliseiginleikum lofthjúps jarðar
- mismunandi skýjagerðum og flokkun þeirra
- vindakerfi jarðar
- árstíðum, orsökum og samhengi við veðurfar
- loftslagsbeltum jarðar
- tengslum veðurfars og gróðurbelta og tengslum veðurfars og landslags
- ýmsum veðurfarslegum fyrirbærum
- hafstraumum og blöndun sjávar með láréttum og lóðréttum hafstraumum
- myndun hafíss
- hringrásum efna í lofthjúpi og hafi
- loftmengun og breytingum á loftslagi
- loftslagsbreytingum af manna völdum
Leikniviðmið
- greina ský og nýta skýjamyndanir til að segja til um veður
- greina veðurkort
- fjalla um veðurlag út frá stöðu veðrakerfa á nánd við Ísland
- fjalla um ástand sjávar og mikilvægi þess fyrir lífríkið
Hæfnisviðmið
- leggja mat á veðurfræðilegar upplýsingar sem nýtast í daglegu lífi
- meta mögulegar veðurfarslegar ógnir
- leggja mat á upplýsingar um veðurfyrirbæri
- sjá samhengi og áhrif lifnaðarhátta á loftslag
- meta þau áhrif sem hafið hefur á daglegt líf okkar, t.d. hvað varðar veðurfar, sjávarföll og strauma
- leggja rökstutt mat á umfjöllun um loftslagsbreytingar á jörðinni og þær leiðir sem eru vænlegar til að sporna við þeim
Nánari upplýsingar á námskrá.is