Lýsandi heiti áfanga: Boltagreinar: Knattspyrna og blak
Framhaldsskólaeiningar: 5
Undanfari: Enginn
Lýsing á efni áfangans:
Farið verður í grunntækniatriði, leikfræði, spilaform og reglur í báðum íþróttagreinunum ásamt keppnisformi beggja
greinanna hjá börnum (7 manna bolti og krakkablak). Einnig verður farið í þjálfunar- og kennsluaðferðir, s.s. heild/hluta/heild og
þróunaraðferðina (frá því einfalda til hins flókna)
Lokamarkmið áfanga:
Nemandi skal hafa aflað sér almennrar þekkingar og skilnings á:
- grunnreglum íþróttagreinanna
- keppnisformi íþróttagreinanna hjá börnum (7 manna bolti og krakkablak)
- tækniatriðum og leikfræði íþróttagreinanna
- helstu þjálfunar- og kennsluaðferðum
- uppsetningu og uppbyggingu tímaseðils við kennslu eða þjálfun íþróttagreinanna hjá börnum
Nemandi skal hafa öðlast leikni í að:
- framkvæma grunntækniatriði íþróttagreinanna
- setja upp tímaseðil fyrir börn í íþróttagreinunum
Nemandi skal geta hagnýtt þá almennu þekkingu og leikni sem hann hefur aflað sér til að:
- geta dæmt kappleiki hjá börnum í íþróttagreinunum
- geta starfað sem leiðbeinandi hjá börnum í íþróttagreinunum
Námsmat:
Í áfanganum er leiðsagnarmat með símati alla önnina. Öll verkefni gilda til einkunnar. Nemendur þurfa einnig að standast mætingarkröfur
áfangans.
Birt með fyrirvara um breytingar