Vorönn fer vel af stað

Unnur og nemendur hennar í stærðfræði mynd GK
Unnur og nemendur hennar í stærðfræði mynd GK

Enn fjölgar nemendum í MTR. Skráðir í skólann í dag 13. janúar eru 494 nemendur. Það er um 30 nemendum fleira en við upphaf haustannar. Það er samdóma álit kennara að nemendur hafi gengið rösklega til verks í upphafi annarinnar og skil á verkefnum í lok síðustu viku voru mjög góð. Af nemendum skólans eru aðeins 72 staðnemar en 422 fjarnemar búa vítt um land og einhverjir í útlöndum. Síðari helming haustannar var allt nám fjarnám en vorönnin hófst á staðnámi sem gengur vel. Nemendur hafa verið duglegir að tileinka sér reglur um sóttvarnir og engin sérstök vandamál komið upp.