Fréttir

Nemendur geta sótt um frjálsa mætingu á vorönn hjá aðstoðarskólameistara til 15. janúar 2012. Eyðublaðið er ...

Við í Menntaskólanum á Tröllaskaga óskum ykkur öllum gleðilegs árs 2012 og þökkum fyrir frábært samstarf á liðnu ári. Hlökkum til að sjá nemendurna okkar aftur á miðvikudaginn!

Skólinn verður lokaður 23. desember.

Bókalistinn er undir valkostinum Námið ...

Fannar Örn Hafþórsson útskrifaðist sem stúdent frá Menntaskólanum á Tröllaskaga þann 17. desember 2011 og þar með 4. stúdentinn sem útskrifast frá skólanum. Hann spilaði með hljómsveit Menntaskólans á Tröllaskaga við útskriftina ásamt því að halda útskriftarræðu.

Um tvö hundruð manns komu á Haustsýningu á verkefnum nemenda á laugardag. Það er ánægjulegt fyrir nemendur og starfsmenn skólans að fólk sýni slíkan áhuga. Auk þess að skoða málverk, listrænar ljósmyndir og útfærslu hugmynda um afþreyingu á Tröllaskaga gafst gestum kostur á að heyra þrjú lög eftir nemendur. Sýningin er opin áfram þessa viku og gestir velkomnir á tímanum 08:00 til 16:00.  Myndir

haustsýning nemenda Menntaskólans á Tröllaskaga verður haldin í skólanum á laugardag 10. desember kl. 13:00 - 16:00. Á sýningunni verða málverk, ljósmyndir ásamt verkefnum um afþreyingu á Tröllaskaga. Nemendur verða á staðnum til að ræða verk sín.  Sýningin er aðgengileg í skólanum á opnunartíma til 17. desember en þá er útskrift skólans.

Í fundargatinu buðu Aðalbakaríið og Trausti Karl Rögnvaldsson nemandi í MTR til veislu í anddyri skólans. Nemendur og starfsmenn nutu ljúfra veitinga og á eftir kom hljómsveitin saman og tók létta æfingu. Myndir

Nemendur og kennarar í MTR hafa ekki farið varhluta af óveðri og ófærð í dag. Óliver Hilmarsson, kennari er til dæmis tepptur heima hjá sér í Skíðadal. Það þýðir þó ekki að kennsla falli niður. Hann kennir á Skype og er myndin tekin síðdegis, í tíma í áfanganum “Inngangur að náttúruvísindum”. Óliver situr heima hjá sér í Skíðadal og útskýrir landrekskenninguna í myndum og máli fyrir nemendum í skólastofunni í Ólafsfirði.

Nemendur í 10. bekk Dalvíkurskóla kynntu sér námsframboð og kennslufyrirkomulag í Menntaskólanum á Tröllaskaga. Þetta eru 39 nemendur og komu þeir í tveimur hópum. Gestirnir sýndu námsfyrirkomulaginu mikinn áhuga. Þeim fannst gott að gert væri ráð fyrir að þau væru með fartölvur við námið og að hver vinnuvika væri skipulögð sem sérstök eining og þau sæu á mánudegi hvað ætti að læra þá vikuna, hvaða verkefnum ætti að skila og hvaða próf ætti að taka. Þeim fannst spennandi hvernig námið er brotið upp í þemavikunni.  Þar að auki spurðu þau heilmikið um félagslífið í skólanum og veittu nemendur MTR svör við þeim spurningum.