Ástráður í heimsókn

Ástráður mynd ÞH

Fastur liður í forvarnarvinnu skólans er heimsókn frá Ástráði, sem er kynfræðslufélag læknanema við Háskóla Íslands. Ástráður sendir fulltrúa með fræðsluerindi í alla framhaldsskóla landsins ár hvert og er sérstaklega lögð áhersla á að ná eyrum nýnema. Í morgun var komið að MTR og fluttu tveir læknanemar áhugavert erindi þar sem rætt var um kynheilbrigði, kynsjúkdóma, getnaðarvarnir og fóstureyðingar og síðast en ekki síst hvatt til ábyrgrar kynhegðunar.

Nemendum þótti erindið fræðandi og áhugavert og sögðu að það vekti þá til umhugsunar um þessi mikilvægu málefni. Notuðu þeir einnig tækifærið til að spyrja út í eitt og annað sem læknanemarnir svöruðu af fremstu getu.