Menningarstefna

Menningarstefna

Menntaskólans á Tröllaskaga

Markmið Menntaskólans á Tröllaskaga er að skapa skilyrði fyrir fjölbreytni, sköpun og frumkvæði á sviðum lista og menningararfs[1].

Þessum markmiðum verður náð með því að:

a) listfræðsla og listkennsla verði ríkur þáttur í skólastarfinu

b) hvetja til virkrar þátttöku, sköpunar og frumkvæðis nemenda í samræmi við aukna áherslu á gagnrýna

hugsun, sköpun og umburðarlyndi

c) hafa virk tengsl við menningarstofnanir og aðra þá sem eru að vinna að listum og menningararfi

d) leggja áherslu á samstarf við starfandi listamenn, innlenda sem erlenda

e) gera nemendum kleift að njóta lista, örva sköpun og gagnrýna hugsun

f) stuðla að virkri þátttöku og sköpun nemenda í gegnum netið

g) leggja áherslu á upplýsinga- og miðlalæsi

Leiðir að markmiðum

Listfræðsla og listkennsla verði ríkur þáttur í skólastarfinu

Boðið sé upp á listnámsbraut þar sem lögð er áhersla á fagurlistir, listljósmyndun og tónlist
Nemendur geti í einhverjum tilfellum tvinnað listir inn í viðfangsefni sín í sem flestum námsáföngum skólans
Lögð áhersla á að auðga nærumhverfi skólans með starfsemi skólans á listasviðinu sem og að nýta nærumhverfið við listsköpun

Hvetja til virkrar þátttöku, sköpunar og frumkvæðis nemenda í samræmi við aukna áherslu á gagnrýna hugsun, sköpun og umburðarlyndi

Frumkvöðlafræði sé kjarnanámsgrein skólans
Inngangur að listum sé kjarnanámsgrein skólans
Nemendur hvattir til frumkvæðis og sköpunar í lausnum viðfangsefna og það komi fram að einhverju leyti í námsmati hvers áfanga eftir því sem tök eru á
Starfsmenn hvattir til frumkvæðis og sköpunar í kennsluaðferðum, gerð verkefna og námsmati
Hlúð verði að fjölmenningu á fjölbreyttan hátt, innan skólans, gestaheimsóknum og samstarfi við aðra
Starfsmenn hvattir til þátttöku í skapandi greinum í umhverfi sínu og njóti velvilja við eigin listsköpun
Nemendur studdir til að þróa gagnrýna hugsun og að geta gagnrýnt skoðanir annarra á uppbyggilegan hátt sem og listiðkun af fjölbreyttu tagi
Standa fyrir opinberri sýningu á hverri önn sem sýnir sköpun og frumkvæði nemenda
Leitast við að útskrifa nemendur sem hafi tileinkað sér frumkvæði og skapandi hugsun

Hafa virk tengsl við menningarstofnanir og aðra þá sem eru að vinna að listum og menningararfi

Leggja áherslu á samstarf við starfandi listamenn, innlenda sem erlenda

Gera erlendum listamönnum kleift að koma í skólann, kynna list sína og vinna með kennurum og nemendum
Greiða fyrir heimsóknum listamanna til að kynna list sína

Gera nemendum kleift að njóta lista, örva sköpun og gagnrýna hugsun

Hafa sýnilega list af fjölbreyttu tagi eftir þekkta sem óþekkta listamenn og nemendur í húsnæði skólans og á skólalóð
Standa fyrir ferðum á lista- og menningarsöfn
Efla getu nemenda á að gagnrýna listaverk og listiðkun af fjölbreyttu tagi

Stuðla að virkri þátttöku og sköpun nemenda í gegnum netið