Ljósmyndun - LIL2V02

Lýsandi heiti áfanga: Listamenn og myndamappa (portfolio)
Framhaldsskólaeiningar: 2
Undanfari: Enginn

Lýsing á efni áfangans.
Í áfanganum er lögð áhersla á að nemendur öðlist dýpri og sérhæfðari þekkingu á stúdíóljósum og geti nýtt hana í öllum færniþáttum bæði tæknilega og listrænt við eigin listsköpun. Þá læra nemendur að setja upp eigin myndvef á neti (portfolio) og kynnast listljósmyndurum.

Áhersla er lögð á myndatöku úti og inni með stúdíóljósum og að nemendur öðlist skilning á ferlinu sem á sér stað þegar fólk í skapandi greinum býr sér til möppu (portfolio).

Lokamarkmið áfanga:
Nemandi skal hafa aflað sér almennrar þekkingar og skilnings á:

• hvernig hægt er að beita myndavél til að fanga augnablik
• myndbyggingu, gullinsniði, formi, áferð, línum og litum
• þeirri ábyrgð sem felst í því að taka, birta og vinna ljósmyndir
• myndatöku innan- og utandyra með studióljósum
• hvernig stilla á myndavélina saman með ljósunum
• hvernig á að stilla studióljós
• listljósmyndurum
• ferlinu við að útbúa netlæga möppu
• hvað á heima í netlægri möppu og hvernig hægt er að bæta við hana og þróa hana áfram

Nemandi skal hafa öðlast leikni í að:

• tjá sig á skýran, ábyrgan og skapandi hátt um studióljósmyndun, listljósmyndara og myndmöppur
• skipuleggja vinnuferli við undirbúning, framkvæmd og úrvinnslu studióljósmynda eftir eigin hugmyndum
• sýna frumkvæði og sjálfstæði í grunn vinnubrögðum studióljósmyndunar
• sjá myndefni í umhverfi sínu inni- og útivið
• nota studióljós utandyra í portraitmyndatöku
• búa til einfalda grunnlýsingu fyrir portraitmyndatöku með og án bakgunnslýsingar
• taka ljósmyndir af myndverkum sem ekki eru stafræn til að setja inn í netlæga möppu
• taka eftirtökur af eigin verkum í stúdiói með stafrænni myndavél
• færa myndir úr myndasafni í tölvu yfir í hugbúnað sem heldur utan um myndamöppuna (portfolio)

Nemandi skal geta hagnýtt þá almennu þekkingu og leikni sem hann hefur aflað sér til að:

• tjá skoðanir sínar um studióljósmyndun, listljósmyndun og myndmöppur
• bera virðingu fyrir grundvallarreglum um meðferð studióljósmynda og búa yfir ábyrgð gagnvart starfi studióljósmyndara og starfsumhverfis hans
• velja myndir í seríu/sögu/myndröð og skilja hvaða þættir það eru sem ákvarða um gæði seríunnar
• geta metið eigin þekkingu og leikni ásamt því aða gera sér grein fyrir hvernig frekara nám eflir hæfni og eykur möguleika
• þekkja sjálfan sig sem listamann
• vinna á skapandi hátt við listiðkun sína
• sýna verk sín á listsýningu og hafa samskipti við gesti um verk sín
• vera virkur og ábyrgur borgari í lýðræðislegu samfélagi og innan samfélags greinarinnar og listarinnar
• tengja þekkingu sína og leikni við starfsumhverfi sitt sem ljósmyndara og daglegt líf