Hönnun - HÖN1B02

Lýsandi heiti áfanga: Merkjahönnun/lógó
Framhaldsskólaeiningar: 2
Undanfari: Enginn

Lýsing á efni áfangans:
Áfanganum er ætlað að kynna hugmyndafræði og vinnuferli sem liggur að baki merkjahönnun þar sem náttúran og nærumhverfi skólans er notað sem innblástur. Í áfanganum verður meðal annars farið í vettvangskönnun með skissubók/myndavél til að safna innblæstri fyrir hönnunina. Nemendur skissa, taka myndir, safna efni (laufum, grasi, steinum o.s.frv.) sem þeir nýta svo í framhaldi við hönnun merkis. Nemendur ákveða sjálfir fyrir hvað sitt merki/lógó stendur.

Lokamarkmið áfanga:
Nemandi skal hafa aflað sér almennrar þekkingar og skilnings á:

• merkjahönnun og myndmáli/letri
• því hvernig nærumhverfið getur nýst í sköpunarferlinu
• ferlinu bak við merkjahönnun, frá hugmynd til lokahönnunar
• mikilvægi undirbúnings, upplýsingasöfnunar og skissuvinnu
• leturfræði og myndmáli

Nemandi skal hafa öðlast leikni í að:

• sjá möguleika til innblásturs í umhverfinu
• upplýsingasöfnun og skissuvinnu
• sjá fyrir sér hugmyndir og vinna að þeim

Nemandi skal geta hagnýtt þá almennu þekkingu og leikni sem hann hefur aflað sér til að:

• geta tekið dæmi um merkjahönnun og greint myndmál og letur
• vera upplýstari um nærumhverfi sitt og hvernig má nýta það í sköpunarferlinu
• hafa náð tökum á sjálfstæðum vinnubrögðum við hugmynda og skissuvinnu
• geta nýtt sér fjölbreyttar aðferðir við úrlausn verkefna
• geta tjáð sig á skýran og ábyrgan hátt um eigin verk og annarra
• geta tekið þátt í samræðum
• geta átt uppbyggileg samskipti og samstarf
• geta nýtt sér fræðslu og rannsóknarvinnu til eigin sköpunar

Námsmat:
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.

Birt með fyrirvara um breytingar