Forritun - FOR2A02

Lýsandi heiti áfanga: Minecraft
Framhaldsskólaeiningar: 2
Undanfari: Enginn

Lýsing á efni áfangans:
Minecraft er tölvuleikur og sýndarheimur sem gefur sköpunargleðinni og ímyndunaraflinu lausan tauminn. Á námskeiðinu verður farið yfir öll helstu atriði er tengjast leiknum. Nemendur læra að setja svokölluð "mod" inn í leikinn sem gerir þeim kleift að sækja viðbætur í leikinn og laga hann að eigin ímyndunarafli. Þá læra nemendur að setja upp og hýsa sinn eigin vefþjón þar sem þeir geta boðið vinum sínum að spila. Farið er vandlega í netöryggi varðandi aðgangsstýringar vefþjóna, hvernig á að læsa þeim fyrir ókunnugum og spila í öruggu umhverfi.
Námskeiðið er bæði fyrir reynda spilara og þá sem eru að stíga sín fyrstu skref í leiknum. Til þess að taka fullan þátt í námskeiðinu er þó nauðsynlegt að nemendur hafi keypt aðgang að leiknum (https://minecraft.net/) og komi með tölvu sem hentar til að spila leikinn.

Lokamarkmið áfanga:
Nemandi skal hafa aflað sér almennrar þekkingar og skilnings á:

  • leiknum minecraft
  • breytingum sem notandi getur gert á leiknum
  • viðbótum sem henta hverjum og einum
  • hvernig maður setur upp vefþjón til eigin nota
  • netöryggi


Nemandi skal hafa öðlast leikni í að:

  • laga leikinn að eign ímyndunarafli með viðbótum
  • setja upp vefþjón til eigin nota
  • setja upp aðgangsstýringar á netþjón
  • spila leikinn ásamt vinum


Nemandi skal geta hagnýtt þá almennu þekkingu og leikni sem hann hefur aflað sér til að:

  • aðlaga leikinn að eigin óskum
  • setja upp vefþjón fyrir sjálfan sig og ákveðna vini
  • setja upp aðgangstýringar á vefþjóninn
  • njóta þess að spila leikinn á öruggum stað með þeim sem maður vill spila við


Námsmat:
Í áfanganum er viðhaft leiðsagnarmat með símati, nemendur þurfa að standast mætingarkröfur áfangans.

Birt með fyrirvara um breytingar