Fréttir

Skólinn verður settur miðvikudaginn 22. ágúst kl. 9:30 í Tjarnarborg, skólaakstur kl 9:00 frá N1 Dalvík og Torginu Siglufirði

Kennsla í fisktækni í Menntaskólanum á Tröllaskaga hefst haustið 2012. Áhersla verður lögð á íslenskan sjávarútveg sem eina af undirstöðu atvinnugreinum Íslendinga og mikilvægan þátt í menningu okkar og arfleið. Í náminu verður auk kjarnagreina boðið upp á áfanga í sjávarútvegsfræðum, vinnuvistfræði, námstækni, fiskvinnslu og rekstri fiskvinnslufyrirtækja.

Nú eru starfsmenn að byrja að koma eftir sumarfrí og skrifstofa skólans opin frá 08:00 - 16:00.

Nokkrir hafa spurst fyrir um hvort þeir komist í námshópa sem eru fullir. Á þriðjudaginn munum við taka út þá nemendur sem ekki hafa greitt skólagjöldin og þá er möguleiki á að komast í þessa hópa. Nemendur sjá í Innu hvaða áfanga þeir eru skráðir í en geta breytt þegar skóli hefst.

Nú er starfsfólk skólans komið í sumarleyfi og síma verður svarað stopult eða ekki. Þeir sem þurfa að ná samband geta sent póst á mtr@mtr.is Starfsfólk kemur til baka 7. ágúst en skóli hefst 22. ágúst.

Frá og með haustönn 2012 verður hægt að stunda nám í umhverfis- og auðlindafræði á framhaldsskólastigi í fyrsta sinn hér á landi. Menntaskólinn á Tröllaskaga er einn fjögurra framhaldsskóla sem stendur að nýrri umhverfis- og auðlindabraut og samstarfsverkefni um fjarmenntaskólann.is. Um er að ræða fjarnám til stúdentsprófs sem nemendur geta stundað hvar sem þeir eru búsettir.

Nú hafa 57 sótt um skólavist næsta vetur en auk þess eru nokkrir nemendur úr 10. bekk með skólann sem sitt annað val. Umsóknir fara í ákveðið ferli sem skilgreint er af mennta- og menningarmálaráðuneyti í reglugerð. Gera má ráð fyrir að hluti þeirra sem sækir um nám skili sér síðan ekki í haust þannig að umsóknartalan segir ekki allt um nemendafjölda næsta vetur.

Brynhildur Briem hefur fært skólanum veglega bókagjöf. Þar er um að ræða Íslendingasögurnar í tólf bindum auk nafnaskrár, Riddarasögur í sex bindum, Karlamagnússögu og fleiri perlur fornbókmennta okkar. Bækurnar munu án efa nýtast vel nemendum og kennurum í íslensku og kann skólinn Brynhildi bestu þakkir fyrir góða gjöf.

Bjartsýni og gleði einkenndi útskriftarathöfn Menntaskólans á Tröllaskaga í Ólafsfjarðarkirkju í morgun. Tólf nemendur brautskráðust, ellefu stúdentar og fyrsti nemandinn sem lýkur námi á starfsbraut.

Tólf nemendur verða brautskráðir frá skólanum á morgun. Átta brautskrást af félags- og hugvísindabraut, tveir af náttúruvísindabraut, einn af listabraut og einn af starfsbraut. Áður hafa útskrifast fjórir nemendur frá skólanum þannig að eftir morgundaginn verða þeir sextán. Athöfnin fer fram í Ólafsfjarðarkirkju og hefst klukkan 11. Mynd: Fyrstu þrír stúdentarnir frá MTR