SAGA3GR05 - Saga fornaldar

Grikkir og Rómaveldi

Einingafjöldi: 5
Þrep: 3
Forkröfur: 10 einingar í sögu á 2. þrepi
Áfanginn fjallar um sögu fornaldar með áherslu á Forn-Grikki og Rómaveldi. Nemendur kynnast helstu atburðum, hugmyndum, stjórnarháttum, daglegu lífi og menningu þessara samfélaga og hvernig þau lögðu grunninn að mörgum þáttum vestrænnar menningar, svo sem í stjórnmálum, heimspeki, listum og lögfræði. Jafnframt er fjallað um goðafræði, heimspeki og trúarbrögð og hvernig þau mótuðu samfélögin. Sérstök áhersla er lögð á að þjálfa nemendur í sagnfræðilegum vinnubrögðum, svo sem að nýta og meta heimildir, bera saman ólík sjónarhorn og ræða fræðilegar spurningar. Markmiðið er að efla gagnrýna hugsun nemenda, auka skilning þeirra á sögu fornaldar og mikilvægi hennar fyrir nútímann.

Þekkingarviðmið

  • helstu tímabilum, atburðum og persónum fornaldar, einkum í Grikklandi og Rómaveldi
  • stjórnarháttum, hugmyndum og heimspeki þessara samfélaga
  • trúarbrögðum, goðafræði og menningu fornaldar og áhrifum þeirra til framtíðar
  • helstu heimildum um fornöld og hvernig þær móta skilning okkar á sögunni sem og áhrif fornaldar á mótun vestrænnar menningar
  • fræðilegum hugmyndum og umræðum tengdum túlkun fornaldarsögunnar

Leikniviðmið

  • lesa, nýta og bera saman ólíkar sagnfræðilegar heimildir
  • greina sögulegar frásagnir með gagnrýnum hætti
  • setja fram rökstuddar skoðanir í máli og riti
  • nýta fjölbreyttar aðferðir við framsetningu, svo sem ritgerðir, kynningar og stafrænar lausnir

Hæfnisviðmið

  • beita sagnfræðilegum vinnubrögðum við að afla, meta og vinna úr heimildum
  • tengja sögu fornaldar við víðara samhengi mannkynssögunnar með sérstakri áherslu á þá arfleifð sem varð hluti af vestrænni menningu
  • sýna skilning á margbreytileika samfélaga fornaldar og hvernig þau mótuðust af hugmyndum, trú og menningu
  • taka þátt í málefnalegum umræðum og rökræðum um sögu og samfélög fornaldar
  • nýta þekkingu og leikni úr áfanganum til frekara náms í sögu og skyldum greinum
Nánari upplýsingar á námskrá.is