ERLE2SF02 - Norræn skólamenning og félagsstarf nemenda

Skólamenning og félagsstarf

Einingafjöldi: 2
Þrep: 2

Áfanginn felst í heimsókn nemendafélags úr Menntaskólanum á Tröllaskaga í tvo danska skóla þar sem áherslan er á félagslega sjálfbærni. Nemendur fá tækifæri til að kynnast ólíkri skólamenningu, hefðum, nemendalýðræði og velferðarverkefnum. Með því að ræða og bera saman reynslu milli Íslands og Danmerkur er markmiðið að læra hvert af öðru og efla þannig inngildingu, samstöðu og samfélag innan og milli skóla. Reynslan verður nýtt til að styrkja skólamenningu og félagsstarf nemenda í MTR. Nemendur - skoði hvernig hægt er að byggja upp inngildandi og örugga skólamenningu - fái tækifæri til að ræða og bera saman skólabrag, hefðir, nemendalýðræði og velferðarverkefni í íslenskum og dönskum skólum - læri hvert af öðru til að efla samstöðu og samfélag þvert á skóla - nýti reynslu heimsóknarinnar til að leggja sitt af mörkum að þróun skólamenningar í eigin skóla.

Þekkingarviðmið

hugtakinu félagsleg sjálfbærni og því hvernig hún birtist í skólasamfélagi
ólíkri skólamenningu og hefðum í íslenskum og dönskum skólum
lýðræðislegri þátttöku og velferðarverkefnum sem stuðla að inngildingu og vellíðan nemenda

Leikniviðmið

taka virkan þátt í umræðum við jafningja í öðrum löndum
bera saman skólabrag og lýðræðishefðir milli Íslands og Danmerkur
greina og skrá niður hugmyndir og aðferðir sem hægt er að yfirfæra í eigin skóla
vinna saman í hópum að framsetningu á því sem lært var í heimsókninni

Hæfnisviðmið

sýna skilning á mikilvægi inngildandi og öruggrar skólamenningar
beita samanburði og gagnrýninni hugsun til að greina styrkleika og veikleika í ólíkum skólum
leggja til aðgerðir eða verkefni sem geta eflt samfélag og samstöðu innan síns skóla
efla með sér félagslega ábyrgð, virðingu og vilja til samvinnu á alþjóðavettvangi

Nánari upplýsingar á námskrá.is