geðsálfræði
Einingafjöldi: 5
Þrep: 3
Forkröfur: 5 einingar í sálfræði á 2. þrepi
Fjallað er um geðheilsu, geðræn vandamál, almennt geðheilbrigði og geðrækt. Lögð er áhersla á að nemendur átti sig á samspili líkamlegra og andlegra þátta í tengslum við geðheilbrigði og þróun geðraskana. Nemendur kynnast leiðum til að verjast streitu og taka á afleiðingum hennar. Einnig er fjallað um geðraskanir, flokkunarkerfi geðraskana og helstu meðferðarúrræði við geðröskunum. Nemendur afla sér upplýsinga um úrræði og þá meðferð sem er í boði á Íslandi. Meginmarkmið áfangans er að nemendur öðlist skilning á geðheilsu, geðrækt og eðli geðraskana svo þeir skilji hvernig þeir geta tekið ábyrgð á eigin geðheilbrigði.
Þekkingarviðmið
- geðheilsu og geðröskunum.
- mismunandi nálgun sálfræðinnar á geðheilsu.
- helstu hugtökum og kenningum geðsálfræðinnar.
- helstu meðferðarformum og úrræðum við geðröskunum.
- hvernig viðhorf til geðraskana og meðferð þeirra hefur breyst í tímanna rás.
- aðbúnaði og möguleikum einstaklinga með geðraskanir í samfélaginu.
- lagalegum og siðferðilegum þáttum sem lúta að meðferð persónuupplýsinga.
- framlagi geðsálfræðinnar innan sálfræðinnar og til samfélagsins.
Leikniviðmið
- greina helstu streituþætti sem koma upp í daglegu lífi.
- nýta aðferðir við að minnka eða fyrirbyggja streitu í sínu daglega lífi.
- miðla þekkingu sinni á eðli geðraskana.
- setja sig í spor fólks sem á við geðræn vandamál að stríða.
- beita sálfræðilegum meðferðarúrræðum á einkenni geðraskana.
- afla sér heimilda og upplýsinga á sviði geðsálfræði, greina þær og setja í fræðilegt samhengi.
- nýta fræðilegan texta um geðraskanir á íslensku og erlendum tungumálum.
Hæfnisviðmið
- greina alvarleika ólíkra geðraskana með tilliti til áhrifa á daglegt líf sem metið er með hópvinnu og rannsóknum.
- greina áhrif umhverfis og erfða á þróun geðraskana sem metið er með umræðum og persónulegri ígrundun.
- móta eigið geðheilbrigði til að verða hæfari þátttakandi í nútímasamfélagi sem metið er með persónulegum verkefnum eða dagbókarskrifum.
- afla upplýsinga í geðsálfræði til að nota við úrlausn verkefna sem metið er með ritgerðum og skýrslum.
- framkvæma flókna eigindlega rannsókn og gera grein fyrir helstu niðurstöðum sem metið er með skýrslu og kynningu.
- meta á gagnrýninn og uppbyggilegan hátt eigið vinnuframlag og annarra í verkefnavinnu sem er metið með sjálfsmati og jafningjamati.
Nánari upplýsingar á námskrá.is