Sirkuslistir
Einingafjöldi: 3
Þrep: 1
Markmið áfangans er að kynna þátttakendum heim sirkuslistanna, hvernig hann tengist og er samþættur öðrum listgreinum og kenna undirstöðuatriði grunnsirkusgreina. Nemendur fá þjálfun í atriðasmíði og sviðsframkomu og taka virkan þátt í uppsetningu og skipulagningu sirkussýningar sem lokaverkefni í áfanganum. Áhersla í tæknikennslu verður lögð á sirkusfimleika, jafnvægislistir, loftfimleika, djöggl með mismunandi áhöldum, húllahopp og trúðaleik.
Þekkingarviðmið
- eðli sirkuslista, samhengis þeirra og tengslum við aðrar sviðslistir og íþróttir
- helstu undirstöðuatriðum sirkusfimleika, jafnvægislista, loftfimleika, djöggls, húllahopps og trúðaleiks
- mikilvægi og framkvæmd markmiðasetningar og nauðsyn þess að þjálfun sé markviss og skipulögð til að ná árangri
- mikilvægi réttrar líkamsbeitingar til þess að forðast meiðsli
- helstu þáttum atriðasmíði og sviðsframkomu
- mikilvægi öryggis við æfingar og ástundun sirkuslista
Leikniviðmið
- framkvæma helstu undirstöðuatriði í sirkusfimleikum, jafnvægislistum, loftfimleikum, djöggli, húllahoppi og trúðaleik
- smíða stutt atriði ein eða í litlum hóp
- framkvæma og kenna grunntækni sirkusfimleika, jafnvægislista, djöggls, og húllahopps
- nýta sér stuðningsefni sem er að finna á internetinu
- vinna saman með öryggi og umhyggju að leiðarljósi
- læra að þekkja veikleika sína og styrkleika í mismunandi greinum sirkuslista
Hæfnisviðmið
- skipuleggja og framkvæma sýningu í samvinnu með hóp þar sem tekið er tillit til styrkleika allra í hópnum
- stunda sirkuslistir sér til ánægju og heilsubótar á öruggan hátt
- smíða og framkvæma stutt atriði
- kenna áhugasömum tæknilegan grunn þeirra sirkuslista sem hann hefur lært á öruggan og skilmerkilegan máta
Nánari upplýsingar á námskrá.is