Stafræn fatahönnun
Einingafjöldi: 5
Þrep: 1
Markmið áfangans er að skapa vettvang fyrir hugmyndavinnu, lausnaleit og nýsköpun með því að skoða möguleika stafrænnar hönnunar með umhverfissjónarmið og sjálfbærni að leiðarljósi. Unnið er með sjónræna þætti eins og teikningu, liti og form, rannsóknir á umhverfi og samfélagi og út frá viðmiðum og tækifærum í atvinnulífinu. Nemendur nota hönnunarforrit og skoða og þjálfa viðmót og helstu verkfæri þess.
Farið er í gegnum vinnuferli stafrænnar fatahönnunar og kynntar leiðir til að þjálfa og ná leikni í tískuteikningu og flötum vector-vinnuteikningum. Áhersla er á persónulega sýn í verkefnavinnu.
Þekkingarviðmið
- ábyrgð og sjálfbærni í fatahönnun
- helstu aðgerðum hjá hönnuðum og fyrirtækjum til að sporna gegn sóun
- viðmóti og helstu verkfærum forritsins
- hvernig tvívídd yfirfærist í þrívídd í forriti
- helstu málsetningum í sníðagerð
- fjölbreyttri hugmyndavinnu
- aðferðafræði hönnunar
- stafrænu hönnunarferli með það markmið að draga úr vistsporum í tískuheiminum
Leikniviðmið
- nota forrit til að beita grunnfærni í tískuteikningu
- nota forrit til að teikna snið með vector-vinnuteikningum
- flokka og vista verkefni á aðgengilegan hátt
- skipuleggja verkferla í forritinu
- taka líkamsmál og yfirfæra á stafrænt Avatar
- sjá fyrir sér hugmynd og útfæra hana í máli og myndum
Hæfnisviðmið
- sýna sjálfstæði í vinnubrögðum
- sýna frumkvæði og frumlega útfærslu í verkefnavinnu
- sauma einfaldar flíkur á stafrænu formi
- geta tjáð sig á skýran og ábyrgan hátt um eigin verk og annarra
Nánari upplýsingar á námskrá.is