Dagleg umræða og talað mál
Einingafjöldi: 5
Þrep: 2
Forkröfur: 15 einingar í ÍSAN.
Í áfanganum lesa nemendur og hlusta á margvíslega texta, auk þess að horfa á myndbönd og leysa verkefni tengd þeim. Þeir hlusta m.a. á og lesa texta um íslenskt samfélag, svo og texta um almenningsvísindi. Mikil áhersla er á talað mál og að auka sjálfstraust nemenda í munnlegum samskipum. Lögð er áhersla á að nemendur séu virkir í að velja sér umfjöllunarefni og beri þannig aukna ábyrgð á tileinkun tungumálsins. Tilteknir textar eru lesnir ítarlega og aðrir yfirborðslega, því hvort tveggja er nauðsynlegt að kunna þegar nýtt tungumál er lært.
Þekkingarviðmið
- orðaforða sem tengist daglegu lífi á Íslandi
- orðaforða sem tengist ólíkum þáttum íslensks samfélags
- mæltu máli á íslensku á þeim hraða sem tíðkast meðal Íslendinga
- yfirborðslestri almannavísindatexta
- áhorfi og hlustun á efni um íslenskt samfélag
Leikniviðmið
- lesa og hlusta á íslenska texta um daglegt líf á Íslandi
- lesa og hlusta á texta um íslenskt samfélag
- færa rök fyrir máli sínu
- esa og hlusta á almannavísindatexta
- hlusta og/eða horfa á útvarps- og/eða sjónvarpsefni
Hæfnisviðmið
- svara spurningum, munnlega og skriflega, úr ítarlega lesnum textum
- greina frá meginefni allflókinna texta (yfirborðslestur)
- skrifa stuttar ritgerðir um innihald íslenskra sjónvarpsþátta
- gera grein fyrir ýmsum þáttum íslensks samfélags sem kynntir eru í textanum
- taka þátt í samtölum við innfædda málnotendur um hin ýmsu málefni
- geta haldið kynningar á íslensku þar sem sagt er frá eigin verkefnum eða reynslu
- leggja stund á nám ætlað íslenskum nemendum á framhaldsskólastigi
Nánari upplýsingar á námskrá.is