ÍSLE3BB05 - Barna- og unglingabókmenntir

barnabókmenntir

Einingafjöldi: 5
Þrep: 3
Forkröfur: 10. einingar á 2. þrepi í íslensku
Fjallað er um barna- og unglingabókmenntir í víðum skilningi: sögur, ævintýri, ljóð, teiknimyndir og myndabækur auk efnis fyrir sjónvarp og leikhús. Nemendur kynnast einkennum, formi, útbreiðslu, vinsældum og kröfum sem gerðar eru til barna- og unglingabókmennta. Gert er ráð fyrir að nemendur lesi mismunandi bókmenntatexta og kynni sér fræðilega umfjöllun um barnabókmenntir. Í áfanganum er viðhöfð fjölbreytt verkefnavinna, verkleg, munnleg og skrifleg. Farið er fram á sjálfstæð, skapandi og vönduð vinnubrögð. Á þriðja þrepi eru auknar kröfur gerðar til sjálfstæðis nemenda í námi og hæfileika þeirra til að koma þekkingu sinni skýrt og greinilega frá sér í ræðu sem og riti. Ætlast er til að nemendur sýni frumkvæði og eigi auðvelt með að afla sér upplýsinga um tiltekin viðfangsefni tengd áfanganum sem og að þeir læri að nýta sér þau hjálpartæki sem þeir þurfa til ritunar og skilnings.

Þekkingarviðmið

  • mismunandi frásagnaraðferðum og framsetningu í barna- og unglingabókmenntum
  • mál- og menningarheimi barna og ungmenna
  • mikilvægi læsis fyrir börn og unglinga og að lesið sé fyrir þau
  • mismunandi tegundum barnabóka
  • ritgerðasmíð og heimildavinnu
  • barnabókmenntum í sögulegu ljósi

Leikniviðmið

  • draga saman og nýta upplýsingar úr ýmiss konar heimildum og tengja við eigin skoðanir
  • beita gagnrýninni hugsun við vinnslu verkefna
  • lesa sér til gagns bókmenntaverk ásamt fræðitextum um barna- og unglingabókmenntir og greina mismunandi sjónarmið
  • þekkja einkenni vel skrifaðra barnabókmennta
  • nota viðeigandi hjálpargögn við frágang ritsmíða

Hæfnisviðmið

  • vinna skapandi og greinandi verkefni í tengslum við barna- og unglingabókmenntir
  • taka þátt í málefnalegum umræðum, byggja upp skýra röksemdarfærslu, tjá afstöðu og efasemdir um efni og komast að niðurstöðu
  • túlka texta barna- og unglingabókmennta og greina merkingu undir yfirborði textans (undirtexti)
  • meta með gagnrýnum huga uppeldisgildi barna- og unglingabókmennta
  • beita vönduðu máli í ræðu og riti
  • sýna þroskaða siðferðisvitund, víðsýni, sköpunarhæfni og samlíðan í verkum sínum
  • semja efni ætlað börnum og/eða unglingum
Nánari upplýsingar á námskrá.is