Grunntækni og útbúnaður
Einingafjöldi: 5
Þrep: 3
Áfanginn er að mestu verklegur þar sem áhersla er lögð á grunntækni og útbúnað í alpagreinum, skíðagöngu og á snjóbrettum. Í áfanganum er farið yfir uppbyggingu og þróun útbúnaðar, grunntækni hverrar greinar fyrir sig og nemendur þjálfa ýmsa tæknilega þætti. Jafnframt er nemendum kennd almenn umhirða og viðhald á eigin útbúnaði. Nemendur þurfa að taka þátt í skipulagðri skíða/snjóbretta þjálfun hjá viðurkenndu íþróttafélagi eða sérhæfðum þjálfara að minnsta kosti þrisvar sinnum í viku.
Þekkingarviðmið
- Grunntækni sinnar íþróttagreinar
- Helstu hugtökum sem tengjast tækniatriðum greinarinnar
- Þeim undirbúningi sem þarf til að stunda íþróttina
- Grunnatriðum í viðhaldi á útbúnaði og mikilvægi reglulegs viðhalds
- Útbúnaði sem þarf til að standast kröfur greinarinnar
Leikniviðmið
- Framkvæma helstu tækniatriði sinnar greinar
- Sjá um undirbúning og viðhald á eigin útbúnaði fyrir æfingar og keppni
- Útbúa æfingadagbók
Hæfnisviðmið
- Greina og meta eigin tækni og annarra og koma með hugmyndir að því hvað má bæta og hvernig
- Taka ábyrgð á að eigin búnaður sé í góðu ástandi fyrir æfingar og keppni
- Nýta þjálfun sína sem best til að ná sem bestum árangri í sinni íþrótt
- Geta tekið þátt í umræðum um viðfangsefnin á faglegan og uppbyggilegan hátt
Nánari upplýsingar á námskrá.is