HANN2SS05 - Hannyrðir - saman gegn sóun

Markmið áfangans er að kenna algengustu textílviðgerðir og endurnýtingu textíls. Nemendur viða að sér fatnaði sem þarfnast lagfæringar skv. leiðbeiningum frá kennara. Algengustu viðgerðir verða kenndar, svo sem laga göt á gallabuxum, stytta buxur og skipta um rennilása. Einnig verður unnið að fjölnota umbúðum úr textíl og kenndar mismunandi aðferðir við að útbúa þær. Leitast verður við að hafa námsefnið einstaklingsmiðað og nemendur skila lokaverkefni þar sem áhugasvið fær að ráða för.