FIST1AF05 - Fisktækni 1

Afurðir og framleiðsluferli

Einingafjöldi: 5
Þrep: 1
Nemendur kynnast framleiðsluferlum fiskafurða frá afla til afurða, afurðanýtingu og tengslum gæða og markaða. Þeir kynnast hráefninu, mismunandi vinnsluaðferðum og nauðsynlegu hreinlæti með samblandi af vettvangsheimsóknum og bóklegu námi. Þeir kynnast hugmyndum um og læra að gera greinarmun á heilsusamlegu og heilsuspillandi náms- og starfsumhverfi og hugi að áhrifum þess á eigin heilsu og starfsánægju. Hugmyndafræði sjálfbærni fiskistofna er kynnt.

Þekkingarviðmið

  • helstu tegundum nytjafiska
  • mismunandi vinnsluaðferðum
  • afurðanýtingu
  • tengslum gæða og markaða
  • nauðsynlegu hreinlæti í fiskvinnslu
  • mikilvægi heilsusamlegs starfsumhverfis

Leikniviðmið

  • greina milli helstu tegunda nytjafiska
  • blóðga, slægja og ganga frá fisk til geymslu
  • skilja áhrif gæða og markaðar á fiskverð
  • fylgja verklagsreglum varðandi hreinlæti og þrif
  • greina hvort starfsumhverfi sé heilsusamlegt

Hæfnisviðmið

  • vinna í fiskvinnslu
  • skilgreina og útskýra tengsl meðferðar hráefnis, gæða og markaðshæfni afurða
  • taka ábyrga afstöðu til hreinlætis og umgengni í fiskvinnslu
  • vera vakandi fyrir umhverfi sínu og leggja sitt að mörkum til úrbóta, sjálfum sér, samstarfsfólki og fyrirtæki til hagsbóta
Nánari upplýsingar á námskrá.is