KNAT3KD02 - Knattspyrnuakademía 04

Knattspyrnuakademía 04

Einingafjöldi: 2
Þrep: 3
Forkröfur: ÍÞRF2ÞJ05

Viðfangsefni áfangans er knattspyrna og eru kennslutímarnir að mestu verklegir. Lesefni, myndbönd o.fl. tengt viðfangsefninu verður sett á moodle og nemendur vinna fjölbreytt verkefni (einstaklings, hópa, umræðuþræðir o.fl.). Í áfanganum verður farið í a.m.k. eina æfinga- og/eða keppnisferð til Akureyrar. Í áfanganum verður lögð sérstök áhersla á eftirfarandi leikfræðileg atriði, þ.e. 3. varnar- og sóknarmaður, hreyfing án bolta og hreyfing eftir sendingu.

Þekkingarviðmið

mikilvægi góðrar og vel uppsettrar upphitunar sem hluti af æfingu
reglum knattspyrnunnar
hvað 3. varnar- og sóknarmaður eru og hvernig þeir annars vegar vinna sína grunnvinnu og hins vegar hvernig þeir vinna saman
mikilvægi hreyfingar án bolta til að skapa sjálfum sér eða samherja svæði til að fá boltann og hreyfingu eftir að hafa sent boltann frá sér
nýtingu spils í fámennum liðum til að þjálfa tækni- og leikfræðileg atriði, s.s. 3. varnar- og sóknarmaður, hreyfingu án bolta og hreyfingu eftir sendingu

Leikniviðmið

framkvæma góða og skipulagði upphitun til undirbúnings fyrir æfingu og keppni
útfæra og framkvæma leikfræðileg atriði með mismunandi erfiðleikastigi æfinga, þ.e. frá einföldum til flókinna æfinga
meta knattspyrnureglurnar við að horfa á kappleiki og dæma hjá samnemendum
meta getu iðkenda til að velja rétt erfiðleikastig æfinga til að þjálfa leikfræðileg atriði knattspyrnunnar, s.s. 3. varnar- og sóknarmaður, hreyfingu án bolta og hreyfingu eftir sendingu

Hæfnisviðmið

bæta sig sem knattspyrnumaður
meta og velja réttar æfingar til að þjálfa ákveðin tækni- og leikfræðileg atriði
meta og velja spilaform í fámennum liðum til að þjálfa mismunandi tækni- og leikfræðileg atriði
sjá tilganginn og geta skilið hvernig unnið er með mismunandi tækni- og leikfræðileg atriði í spili með fámennum liðum
geta tekið þátt í umræðum um viðfangsefnin á faglegan og uppbyggilegan hátt

Nánari upplýsingar á námskrá.is