AÍÞR2AÍ03 - Afreksíþróttaþjálfun

Afreksíþróttir

Einingafjöldi: 3
Þrep: 2
Forkröfur: AÍÞR1AÍ03

Nemendur stunda markvisst og skipulega afreksþjálfun í íþrótt sinni 3-4x í viku með sérhæfðum þjálfara eða fagaðila. Nemendur þurfa að skila inn eigin markmiðaáætlun fyrir önnina í upphafi. Þá þurfa nemendur að skila inn æfingadagbók eftir hverja viku. Í þessum áfanga er sérstök áhersla lögð á fjölbreyttar og krefjandi æfingar sem nemendur fá að kynnast og læra.

Þekkingarviðmið

mikilvægi þess að þjálfun sé markviss og skipulögð til að ná árangri
líkamlegu formi og hvernig það er þjálfað markvisst og skipulega
markmiðsáætlun til lengri og skemmri tíma og hversu mikilvægt það er að setja sér mælanleg og raunhæf markmið
uppbyggingu þjálfunaráætlunar til lengri og skemmri tíma
mikilvægi fjölbreytileika í þjálfuninni, s.s. með endurheimtaræfingum, fyrirbyggjandi æfingum og sérhæfðum líkamlegum æfingum

Leikniviðmið

setja upp heilsteypta markmiðaáætlun til lengri tíma
meta líkamlegt form sitt með mælingum
meta kosti og galla sína sem íþróttamaður í þeirri íþróttagrein sem þeir iðka
útfæra og framkvæma sérhæfðar styrktaræfingar tæknilega séð rétt
meta fjölbreytt og öðruvísi hreyfiform við endurheimt og viðhald líkamlegrar getu
setja upp þjálfunaráætlun til lengri tíma þar sem unnið er með þau markmið sem nemandi hefur sett sér.

Hæfnisviðmið

nýta þjálfun sína sem best til að ná sem bestum árangri í íþrótt sinni
útbúa sér markmiða- og þjálfunaráætlun til lengri tíma sem tekur til mikilvægustu þátta þjálfunar út frá líkamlegu formi og getu viðkomandi
framkvæma æfingaáætlun sem hann sjálfur hefur gert
meta sjálfur líkamlegt ástand sitt og þannig haft áhrif á hvaða þjálfun er rétt á hverjum tíma
geta tekið þátt í umræðum um viðfangsefnin á faglegan og uppbyggilegan hátt.

Nánari upplýsingar á námskrá.is