Merkjahönnun/lógó
Einingafjöldi: 2
Þrep: 1
Forkröfur: Engar
Áfanganum er ætlað að kynna hugmyndafræði og vinnuferli sem liggur að baki merkjahönnun þar sem náttúran og nærumhverfi skólans er notað sem innblástur. Í áfanganum verður meðal annars farið í vettvangskönnun með skissubók/myndavél til að safna innblæstri fyrir hönnunina. Nemendur skissa, taka myndir, safna efni (laufum, grasi, steinum o.s.frv.) sem þeir nýta svo í framhaldi við hönnun merkis. Nemendur ákveða sjálfir fyrir hvað sitt merki/lógó stendur.
Þekkingarviðmið
- merkjahönnun og myndmáli/letri
- því hvernig nærumhverfið getur nýst í sköpunarferlinu
- ferlinu bak við merkjahönnun, frá hugmynd til lokahönnunar
- mikilvægi undirbúnings, upplýsingasöfnunar og skissuvinnu
- leturfræði og myndmáli
Leikniviðmið
- sjá möguleika til innblásturs í umhverfinu
- upplýsingasöfnun og skissuvinnu
- sjá fyrir sér hugmyndir og vinna að þeim
Hæfnisviðmið
- geta tekið dæmi um merkjahönnun og greint myndmál og letur
- vera upplýstari um nærumhverfi sitt og hvernig má nýta það í sköpunarferlinu
- hafa náð tökum á sjálfstæðum vinnubrögðum við hugmynda og skissuvinnu
- geta nýtt sér fjölbreyttar aðferðir við úrlausn verkefna
- geta tjáð sig á skýran og ábyrgan hátt um eigin verk og annarra
- geta tekið þátt í samræðum um viðfangsefnið
- geta átt uppbyggileg samskipti og samstarf
- geta nýtt sér fræðslu og rannsóknarvinnu til eigin sköpunar
Nánari upplýsingar á námskrá.is