ÍSLE1ÍE05 - Íslenska 5 á starfsbraut

Í áfanganum er lögð áhersla á að auka markvisst orðaforða nemenda og þjálfa lestrarfærni með því að lesa ýmiskonar rit, eyðublöð og gögn sem nemendur koma til með að nota í nánustu framtíð. Lögð verður áhersla á munnlega tjáningu þar sem nemendur taka þátt í málefnalegum umræðum, tjá afstöðu sína til umræðuefna og komast að niðurstöðu. Unnið verður áfram með ritun ýmiskonar texta og reynt að virkja ímyndunarafl nemenda með sögu- og ævintýragerð af ýmsu tagi.