Tilveran, matreiðsla og næring
Einingafjöldi: 5
Þrep: 1
Áfanginn er þrískiptur þar sem nemendur kynnast og þjálfa grunnþætti í matreiðslu fyrir heimili. Í áfanganum er farið í notkun á helstu tækjum í eldhúsi, einnig á hnífum og smááhöldum sem notuð eru við matreiðslu. Áhersla er lögð á sígildar undirstöðuaðferðir í matreiðslu s.s. suðu, steikingu og bakstur. Einnig meðferð á algengu hráefni: grænmeti, ávöxtum, fiski, kjöti, lyftiefnum og kornvöru til baksturs.
Nemendur kynnast borðbúnaði og notkun hans og fá þjálfun í borðlagningu og frágangi. Fjallað er um vinnuskipulag, mikilvægi hreinlætis og næringar samhliða verklegri kennslu. Áhersla er lögð á að nemendur sýni samvinnu, tillitssemi og stundvísi.
Þekkingarviðmið
- fjölbreyttum störfum við matreiðslu
- grunnmatreiðslu- og bakstursaðferðum
- meðhöndlun fjölbreyttra hráefna
- nauðsyn hreinlætis við matreiðslu
- mikilvægi hollrar næringar
Leikniviðmið
- beita grunnatriðum við eldamennsku og bakstur
- þekkja hollt mataræði
- geta vegið og metið kosti og galla vöru út frá næringargildi hennar
Hæfnisviðmið
- skilja og meta hversu miklu getur munað á magni fæðu sem hægt er að borða til að fylla orkuþörfina eftir því hvaða matvæli eru valin
- þekkja mikilvægi góðs mataræðis
- elda og baka einfaldan og hollan heimilismat og brauð
- tileinka sér almennt hreinlæti við alla matargerð
Nánari upplýsingar á námskrá.is