Inngangur að náttúruvísindum, starfsbraut
Einingafjöldi: 4
Þrep: 1
Forkröfur: Engar
Í þessum áfanga fer fram kynning á náttúruvísindum. Lögð verður áhersla á að nemendur læri að þekkja og skilja náttúruna og þau öfl sem að móta hana. Sérkenni íslenskrar náttúru, lífríki, jarðfræði og veðurfar verða tekin fyrir. Nemendur læra og þjálfast í algengum hugtökum eins og vegalengdum, metrakerfinu, hitastigi, rúmmáli, massa og eðlismassa. Lögð verður áhersla á að nemendur kynnist þessum atriðum með vettvangsferðum og verklegri kennslu. Nemendur læra einnig að afla sér upplýsinga á netinu og halda kynningar um námsefnið.
Þekkingarviðmið
- algengustu fuglategundum á Íslandi og hvernig má þekkja þær
- lífríki sjávar og helstu nytjategundir
- hvar eldvirkni er á Íslandi og mögulegar afleiðingar eldgosa
- hvar jarðskjálftar verða á Íslandi og mögulegar afleiðingar jarðskjálfta
- landafræði Íslands
- metrakerfinu og skilji samhengið milli, mm, cm, m og km
- þyngd hluta og skilji samhengið á milli mg, gr og kg
- rúmmáli kassalaga hluta og hverng hægt er að mæla það
- rúmmáli óreglulegra hluta og hvernig hægt er að mæla það
- eðlismassa hluta og hvernig hægt er að reikna hann út
Leikniviðmið
- greina fugla og kunna að nota fuglavísa
- nota landakort til að átta sig á staðháttum
- lesa úr veðurspám og finna veðurspá fyrir ákveðna staði á www.vedur.is
- mæla lengd á hlutum uppá mm, cm og m
- breyta kílómetrum í metra
- mæla þyngd á hlutum
- breyta kílógrömmum í grömm og grömmum í kílógrömm
Hæfnisviðmið
- sýna sjálfstæði í vinnubrögðum og bera ábyrgð á eigin námsframvindu
- vinna í hóp til að auka skilning á fyrirbærum í náttúrunni
- tengja fyrirbæri í náttúrunni við daglegt líf og umhverfi og sjá notagildi náttúrunnar
Nánari upplýsingar á námskrá.is