SÁLF3JS05 - Jákvæð sálfræði

Jákvæð sálfræði

Einingafjöldi: 5
Þrep: 3
Forkröfur: A.m.k. 10 einingar í sálfræði á 2. þrepi (eða sálfræði og félagsfræði)
Jákvæð sálfræði er ný grein innan sálfræðinnar. Þeir sem leggja stund á hana beina athyglinni að heilbrigði, hamingju og ýmsu sem gerir daglegt líf innihaldsríkara fremur en að fást við vandamál og sjúkdóma. Áhersla er lögð á að greina hugsun, hegðun, tilfinningar og lífsstíl þeirra sem eru jákvæðir, hamingjusamir og njóta almennrar velgengni í lífinu eða á einstökum sviðum þess. Fjallað er sérstaklega um tengsl jákvæðra hugsana og jákvæðra athafna og möguleika þess að hækka hlutfall jákvæðni á kostnað neikvæðini í lífi sínu, svokallað jákvæðnihlutfall. Gerðar verða verklegar æfingar og nemendur kynnast eigin styrkleikum á kerfisbundinn hátt.

Þekkingarviðmið

  • fræðigreininni jákvæðri sálfræði
  • viðfangsefnum helstu fræðimanna greinarinnar
  • aðferðum við að skipta út vondum hugsum fyrir góðar
  • helstu tilfinningum sem stuðla að jákvæðri hugsun og athöfunum
  • leiðum til að byggja upp hagmingjusamt líf með grósku og sköpun

Leikniviðmið

  • greina gildi og áhrif eigin athafna og framgöngu fyrir fjölskyldu og vini
  • greina eigin styrkleika og nýta þá til að bæta líf sitt
  • nota athafnir á borð við hrós, greiða og góðverk til að auka vellíðan sína og annarra
  • nota jákvæðar athafnir til að byggja upp sálfræðilegar og félagslegar bjargir
  • skapa tilgangsríkt líf með þátttöku í athöfnum sem skipta aðra máli og þjóðfélagið í heild

Hæfnisviðmið

  • nota sérstakar athafnir til að byggja upp jákvæðar tilfinningar
  • hlú að jákvæðum tilfinningum
  • auka og efla eigin styrkleika
  • bregðast við neikvæðum hugsunum og tilfinningum
  • auka jákvæðni og þar með vellíðan í daglegu lífi
Nánari upplýsingar á námskrá.is