Fjölmiðlar í ljósi félagsfræðinnar
Einingafjöldi: 5
Þrep: 3
Forkröfur: A.m.k. 10 einingar í félagsvísindum á 2. þrepi
Áfanginn fjallar um eðli og áhrif fjölmiðla sem félagslegs fyrirbæris og þá heimsmynd og hugmyndafræði sem þar birtist. Skoðað er eignarhald á fjölmiðlum, ritstjórn, starfsreglur og siðferðileg viðmið. Nemendur kynnast ólíkum eiginleikum mismunandi tegunda fjölmiðla og meta gagnsemi þeirra við að þjóna ólíkum hlutverkum. Sjónum verður sérstaklega beint að því hvernig fjölmiðlar rækja aðhalds- og eftirlitshlutverk sitt og vernda almannahagsmuni. Áhersla verður lögð á fréttir og fréttatengt efni og að nemendur meti á gagrýninn hátt frammistöðu svæðisbundinna miðla, landsmiðla og erlendra miðla. Einnig verður hugað þeim breytingum sem eru að verða á fjölmiðlanotkun. Nemendur leggja drög að og vinna efni til birtingar í fjölmiðlum.
Þekkingarviðmið
- þörfinni fyrir traustar upplýsingar um samfélagið
- að upplýst umræða og skoðanaskipti eru forsenda lýðræðis
- helstu hlutverkum og áhrifavaldi fjölmiðla
- sérstöðu einstakra tegunda fjölmiðla og hvað þeir eiga sameiginlegt
- eignarhaldi á íslenskum fjölmiðlum, lagaumhverfi, starfsreglum og siðferðilegum viðmiðum
- rannsóknum á trúverðugleika og áhrifamætti íslenskra fjölmiðla
- mörkunum milli frétta og auglýsinga eða markaðstengds efnis
- birtingarformi fordóma svo sem rasisma og sexisma í fjölmiðlum
Leikniviðmið
- greina á milli hlutlægs og hlutdrægs fréttaflutnings
- meta trúverðugleika einstakra fréttamiðla
- koma auga á auglýsingakennda umfjöllun sem sett er fram undir öðrum formerkjum
- átta sig á tengslum eignarhalds við umfjöllun og efnistök einstakra miðla
- velja og skipuleggja efni til birtingar í fjölmiðlum
Hæfnisviðmið
- leggja mat á trúverðugleika og upplýsingagildi efnis í fjölmiðlum
- meta hvernig íslenskir fjölmiðlar sinna eftirlits- og aðhaldshlutverki sínu
- gjalda varhug við fordómafullri umfjöllun í fjölmiðlum
- átta sig á og leggja mat á breytingar sem eru að verða á fjölmiðlaneyslu fólks og aðferðum fjölmiðla og upplýsingafyrirtækja við að ná til notenda
- afla og vinna efni til birtingar í fjölmiðlum
Nánari upplýsingar á námskrá.is