UPPD2UD05 - Upplýsingatækni dreifmenntar

upplýsingatækni dreifmenntar

Einingafjöldi: 5
Þrep: 2
Forkröfur: Engar
Í þessum áfanga er lögð áhersla á að kenna undirstöðuatriði í notkun á tölvum og upplýsingamennt. Lögð er áhersla á að nemendur nýti sér hugmyndafræði dreifnáms og læri að skipuleggja sig í námi. Leitast er við að nýta frían hugbúnað og þann hugbúnað sem er fyrir í tölvunni. Meðal annars prufa nemendur að vinna verkefni í ritvinnslu, töflureikni, myndvinnslu, hönnunarforriti, teikniforriti, vefhönnunarforriti, hljóðupptökuforriti. Nemendum er ekki bent á eitt forrit sem er réttara en annað heldur er þeim bent á nokkur forrit sem nýtast við úrvinnslu verkefnanna. Áfanganum er ætlað að hjálpa nemendum að blanda saman verkþekkingu á tölvur og aðferðum og skipulagi í dreifnámi.

Þekkingarviðmið

  • helsta opna hugbúnaði sem er í boði
  • ritvinnslu og töflureikni
  • myndvinnslu og hljóðvinnslu
  • tölvum og internet
  • lögum og reglum sem snúa að tölvum og interneti
  • hugmyndum dreifnáms

Leikniviðmið

  • setja upp verkefni og ritgerðir eftir viðurkenndum leiðum
  • nota heimildir og tilvísanir eftir APA kerfinu
  • nota algengustu formúlur, jöfnur og gröf í töflureikni
  • búa til margmiðlunarefni eins og stuttmyndir, teiknimyndir og hljóðefni
  • nota gagnasöfn, orðabækur, þýðingavélar og leiðréttingarforrit
  • nota viðeigandi hjálpargögn við frágang verkefna
  • afla upplýsinga eftir fjölbreyttum leiðum
  • nota þau forrit og vefi sem eru í boði við verkefnavinnu
  • nota google docs og ýmis önnur frí forrit og tól sem eru í boði hverju sinni
  • verða sjálfbjarga í að finna út hvað þeir geta notað sér til aðstoðar við verkefnavinnu

Hæfnisviðmið

  • geta metið efni af neti á gagnrýninn hátt
  • geta metið í hvaða formi hentar best að skila efni frá sér hverju sinni
  • hafa tileinkað sér grunnhugmyndir varðandi dreifnám
  • skipuleggja nám sitt
Nánari upplýsingar á námskrá.is