Listabraut

Listabrautin skiptist í myndlist, listljósmyndun og tónlist. Tónlistarbrautin er kennd í samvinnu við Tónskóla Fjallabyggðar og geta nemendur eingöngu innritast á brautina gegn staðfestingu þaðan.

Hæfnimarkmið listabrautar eru:
Að nemendur

• geti hagnýtt þá sérhæfðu þekkingu, leikni, aðferðir og verkkunnáttu sem hann hefur aflað sér.
• hafi öðlast sjálfstraust og sjálfstæði í þróun hugmynda og sýni áræðni við útfærslu þeirra og túlkun.
• noti ímyndunarafl, innsæi og tilfinningar við sköpun/flutning verka.
• geri sér grein fyrir fagurfræðilegu, siðferðilegu og samfélagslegu hlutverki listamannsins.
• séu fær um að greina, tjá sig um og meta eigin verk og annara af þekkingu, víðsýni og umburðarlyndi.
• geti fjallað um listgrein sína og sköpun/túlkun og staðsett hana í menningarlegu og listsögulegu samhengi.
• hafi öðlast hæfni til að meta listrænan styrk sinn og komi auga á hagnýtingu menntunar sinnar.
• geti staðið að opinberri sýningu/tónleikum/viðburði og miðlað þar listrænum styrk sínum.
• séu meðvitaðir um umhverfi sitt, hafi lært að njóta þess, virða það og nýta á skynsamlegan hátt
• séu vel undirbúnir fyrir frekara nám í ólíkum listgreinum á næsta skólastigi