Menntaskólinn
á Tröllaskaga starfar eftir nýjum framhaldsskólalögum frá 2008. Því getur verið að margt komi ókunnuglega fyrir sjónir
þeirra sem þekkja gamla framhaldsskólakerfið vel. Námið er metið til framhaldsskólaeininga s.k. f-eininga og er ein eining talin 3ja daga vinna nemandans
6-8 tíma á dag. Eru nemendur hvattir til að vinna vel að námi sínu í skólanum til að minnka vinnu á kvöldin og um helgar.
Námsbrautir við skólann eru:
Félags- og hugvísindabraut
Íþrótta- og útivistarbraut
Listabraut
Náttúruvísindabraut
Starfsbraut
Íþrótta og útivistarbrautin skiptist í íþróttasvið fyrir þá sem æfa íþróttir markvisst til keppni
og útivistarsvið. Á útivistarsviði er mögulegt að fá metið nám sem Björgunarsveitarmaður 1 frá Landsbjörgu.
Listabrautin skiptist í myndlista-, listljósmyndunar- og tónlistarsvið.
Mikilvægt er fyrir nemendur að taka a.m.k. einn valáfanga á önn en safna þeim ekki saman þar sem ekki er líklegt að hægt sé
að bjóða upp á marga valáfanga á hverri önn.
Um miðja önn er s.k. miðannarvika, þá er gert ráð fyrir að skólastarfið sé brotið upp og nemendur fara í ólík
verkefni í áföngum sem gera ráð fyrir því eða á stutt námskeið. Gert er ráð fyrir að nemendur séu í
skólanum þá viku.
Uppfært 17. febrúar 2012
Sköpun 
