- Nemendur skulu stunda námið af kostgæfni og skila verkefnum á réttum tíma.
- Nemendum í reglulegu námi ber að mæta í allar kennslustundir samkvæmt stundatöflu. Kennarar skrá viðveru nemenda í kennslustundir og nemendur þurfa að fylgjast með skráningunni í INNA.
- Séu nemendur fjarverandi úr skóla gilda ákveðnar reglur um hvernig taka skal á slíkum fjarvistum eftir því hver ástæða fjarvistanna er.
- Veikindi þarf að tilkynna á skrifstofu skólans daglega. Nauðsynlegt er að foreldrar eða forráðamenn tilkynni veikindi nemenda yngri en 18 ára. Læknisvottorði skal skila inn til skrifstofu ef veikindi vara lengur en tvo daga.
- Skólameistari getur veitt undanþágu frá skólasóknarreglum vegna sérstakra aðstæðna nemanda. Sótt er um undanþáguna skriflega og þarf foreldri/forráðamaður ólögráða nemenda að sækja um fyrir hans hönd. Fjarvistir vegna ferða á vegum skólans, keppnisferða landsliða og þátttöku í Evrópukeppni eru alltaf felldar niður. Ekki er veitt undanþága vegna læknisheimsókna, tannlæknaheimsókna, skemmtiferða eða annarra tilfallandi fjarvista.
- Umsjónarkennari fylgist með ástundun nemenda sinna, sé ástundun nemanda ábótavant ræðir umsjónarkennari við hann og gefur honum tækifæri á því að gefa ástæðu fyrir slakri ástundun, ef ástundun batnar ekki vísar umsjónarkennari nemandanum til námsráðgjafa sem vinnur þá með nemanda að lausn sinna mála og hefur samband við forráðamenn sé nemandinn undir 18 ára aldri.
Brjóti nemandi skólasóknarreglur ítrekað með slæmri ástundun getur hann átt á hættu að vera vísað úr skóla.
Eftirfarandi ferli fer í gang við ítrekuð brot á skólasóknarreglum:
- Nemandi, og forráðamenn hans ef hann er yngri en 18 ára, fær skriflega áminningu og er boðaður á fund skólastjórnenda.
- Á fundinum er farið yfir stöðu nemandans og reynt að grafast fyrir um ástæður slæmrar ástundunar og hvort hægt er að veita nemandanum aukna aðstoð eða stuðning í náminu.
- Framhaldið er rætt og nemandanum gerð grein fyrir því að ef hann bætir ástundun sína á viðkomandi önn sé ekki fleiri aðgerða þörf. Verði ástundunin áfram slæm til enda annarinnar er nemandinn tekinn inn á skilyrðum á næstu önn og gert við hann skriflegt samkomulag um betri ástundun - bæði mætingar og verkefnaskil.
- Brjóti nemandinn samkomulagið verður honum ekki boðin áframhaldandi skólavist á næstu önn.
- Ef nemendur eru ósáttir við meðferð sinna mála geta þeir vísað málinu til skólaráðs og sótt skólann þar til niðurstaða skólaráðs er fengin.
- Skólaráð getur í sérstökum tilvikum veitt undanþágu frá reglum þessum.
Frjáls mæting
Þeir nemendur sem óska eftir frjálsri mætingu verða að sækja um það skriflega og gera grein fyrir ástæðu umsóknar. Umsóknareyðublöðin má nálgast hér á heimasíðunni. Umsóknum skal skilað til áfangastjóra/aðstoðarskólameistara fyrir 1. september 2011.
Hverjir geta sótt um frjálsa mætingu?
- Þeir nemendur sem náð hafa 21 árs aldri og/eða búa við þær aðstæður að þeir telji sig ekki geta mætt í alla tíma, án þess þó að það komi niður á náminu.
- Nemendur sem eru 18-20 ára og skrá sig í að hámarki 15 feiningar á viðkomandi önn.
(Útg. 20.08.2011)
Sköpun 
