Menntaskólinn á Tröllaskaga

Brauðmolar

Íslenska

Fréttir úr skólalífinu

21. maí 2013
Skólastarf MTR á alþjóðlegri ráðstefnu

Lára Stefánsdóttir skólameistari er nýkomin af SIRikt 2013 ráðstefnunni í Kranjska Gora í Slóveníu þar sem hún hélt erindi um upplýsingatækni skólastarfi í MTR. SIRikt eru ráðstefnur um upplýsingatækni í skólastarfi en Slóvenar hafa verið dugmiklir á því sviði. Á ráðstefnunni voru 1200 manns og komust færri að en vildu.
Lesa meira >
16. maí 2013
Heiðursveggur Rios

Á Stórsýningunni sem enn stendur yfir er Graycloud Rios heiðraður sérstaklega fyrir framlag sitt til skólans í vetur. Á veggnum eru listljósmyndir eftir Rios en með þeim reynir hann að fanga töfra daglegs lífs. Hann byrjaði að skrifa sjö ára og semur bæði sögur og ljóð en segist í eðli sínu vera flakkari sem læri af öllum sem hann hittir á leiðinni.
Lesa meira >
15. maí 2013
Stórsýning á verkum nemenda

Hefðbundin sýning á verkefnum nemenda í lok annarinnar var sú fjölbreyttasta og fjölsóttasta hingað til. Sýningin var opnuð kl. 13:00 á laugardag en strax upp úr kl. 12:00 var fólk byjað að streyma að. Sýningin gaf skýra mynd af því öfluga, skapandi starfi sem fram fer innan veggja skólans. Sýningin verður opin til föstudags á skólatíma og er öllum velkomið að líta við og skoða hana.
Lesa meira >
14. maí 2013
Úrslit í stærðfræðikeppni

Egill Örn Ingibergsson í Höfðaskóla varð í fyrsta sæti í stærðfræðikeppni Fjölbrautaskóla Norðurlands vestra, Menntaskólans á Tröllaskaga og 9. bekkjar grunnskóla á Norðurlandi vestra, í Fjallabyggð og Dalvíkurbyggð. Sigfinnur Andri Marinósson, Varmahlíðarskóla varð í öðru sæti og Karl Vernharð Þorleifsson, Dalvíkurskóla í þriðja.
Lesa meira >
10. maí 2013
Söngur á Vorsýningu

Gleðin verður við völd þegar þrír tónlistarhópar koma fram á Stórsýningu skólans á morgun. Hópur úr tónlistaráfanganum TON2A05 flytur sex lög, þar af tvö frumsamin. Einsögvarar eru Kristlaug Inga Sigurpálsdóttir, Lilja Björk Jónsdóttir og Matthías Gunnarsson. Starfsbrautarnemendur flytja saman þjóðhátíðarlagið frá 2001 Lífið er yndislegt og minni hópur flytur tvö lög.
Lesa meira >
8. maí 2013
Vorsýning á laugardag

Nemendur og starfsmenn skólans eru á fullri ferð að undirbúa sýningu á afrakstri vorannarinnar. Sýndur verður afrakstur af vinnu nemenda í frumkvöðlaverkefnum, myndlist, listljósmyndun og fleiri skapandi verkefnum. Jákvæð sálfræði var kennd í fyrsta sinn á önninni og verða verkefni úr því námi á sýningunni.
Lesa meira >
6. maí 2013
LAN mót

Tölvuklúbbur skólans hélt svokallað "LAN" mót um helgina. Það felur í sér að tölvuleikjaspilarar koma saman með tölvur sínar og spila uppáhaldsleikina sína í góðum félagsskap. Mótið hófst á föstudagskvöld og spilað var fram undir morgunn. Leikirnir felast bæði í keppni og samspili. Þetta er þriðja LAN-mótið í skólanum í vetur.
Lesa meira >
3. maí 2013
Stjórnmálafræði á starfsbraut

Kristján Eldjárn Hjartarson, fulltrúi í sveitarstjórn Dalvíkurbyggðar var gestur nemenda á starfsbraut í morgun. Áfanginn heitir inngangur að félagsvísindum og hefur í þessari viku og þeirri síðustu verið fjallað um stjórnmálafræði. Kosningar til Alþingis hafa beint kastljósi að stjórnmálamönnum. En að ári verður kosið til sveitarstjórna og þar er ekki síður en á þinginu unnið að mikilvægum verkefnum.
Lesa meira >
2. maí 2013
Innritun eldri nema stendur yfir

Nú stendur yfir innritun eldri nemenda en þeirra sem eru að koma úr 10. bekk til 31. maí. Innritunin fer fram á síðunni menntagatt.is
Lesa meira >