Útivistarsvið

Námsbraut sem lýkur með stúdentsprófi og skilar nemendum með hæfni á 3. þrepi. Íþrótta og útivistarbraut, útivistarlína er 200 einingar og meðalnámstími er 6-7 annir. Inngönguskilyrði á brautina eru að nemendur hafi lokið grunnskóla.

Á íþrótta og útivistarbraut, útivistarsviði er áhersla á grunngreinar og sérgreinar í útivist, íþróttum og lýðheilsu, s.s. fjallamennska, íþróttagreinar, íþróttafræði og næringarfræði.
Brautinni lýkur með stúdentsprófi og er nám á henni heppilegur undirbúningur fyrir frekara nám m.a. í  háskólanám á sviði kennslu, íþróttafræða og útivistar hér á landi sem erlendis.


Hæfnimarkmið íþrótta og útivistarbrautar eru:
Að nemandi

• geti séð um viðburð sem tengist íþrótta- og útivistarstarfi, s.s. kennslu, þjálfun, gönguferð eða móti sem tekur til undirbúnings, skipulags, framkvæmdar og mats ásamt því að geta metið hlutlægt eigin frammistöðu við verkið og nýtt niðurstöðuna til að ná betri árangri.
• geti tekið þátt í upplýstri umræðu um málefni er tengjast hreyfingu, heilsueflingu, þjálfun og útivist
• geti tekið ábyrgð á þjálfun og leiðbeint öðrum
• hafi öðlast fræðilega og verklega undirstöðuþekkingu
• geti greint frá afstöðu sinni til heilbrigðs lífsstíls
• geti tekið þátt í rökræðum um efni sem tengjast hreyfingu ,heilsu, þjálfun og útivist
• geti stundað íþróttir og útivist þar sem krafist er sérstaks útbúnaðar, td. fyrir gönguferðir, skíðaferðir, hjólreiðar, brimbrettareið og fl.
• þekki hvernig má nýta sér möguleika til hreyfingar í nánasta umhverfi og úti í náttúrunni
• geti fléttað hreyfingu inn í daglegt líf og starf.
• sé meðvitaður um umhverfi sitt, hafi lært að njóta þess, virða og nýta á skynsamlegan hátt með sjálfbærni í huga
• séu vel undirbúnir fyrir frekara nám einkum á sviði kennslu íþróttafræða og útivistar á háskólastigi

Íþrótta- og útivistarbraut