Stærðfræði - STÆ3B05

Lýsandi heiti áfanga: Stærðfræðigreining, heildun, deildajöfnur, runur og raðir
Framhaldsskólaeiningar: 5
Undanfari: A.m.k. 10 einingar á 2. þrepi

Lýsing á efni áfangans:
Í áfanganum er farið í heildun og deildun og samspil þessara reikniaðgerða. Megin áhersla er lögð á heildun og tengsl heildunnar við flatarmál. Farið verður í hagnýtingu heildareiknings og lögð áhersla á að nemendur kunni að nota hugbúnað eins og Geogebra og Wolphram Alpha til að finna ákveðin og óákveðin heildi. Í áfanganum verður farið í fyrsta stigs deildajöfnur og notkun deildajafna til að útskýra náttúruleg fyrirbæri. Farið verður í jafnmuna- og jafnhlutfalla runur og raðir, hagnýtingu þessara reikniaðferða og tengingu við fjármál og náttúruvísindi. Lögð verður áhersla á að nemendur kunni að nota töflureikna við úrlausn verkefna.

Lokamarkmið áfanga:
Nemandi skal hafa aflað sér almennrar þekkingar og skilnings á:

• tengsl deildunnar og heildunnar
• helstu aðferðum við að leysa ákveðin og óákveðin heildi
• fyrstastigs deildajöfnum
• runum, röðum og þrepasönnunum
• hagnýtingu framangreindrar stærðfræði á öðrum sviðum, s.s. í hagfræði, náttúruvísindum, umhverfismálum, tæknifræði o.s.frv.

Nemandi skal hafa öðlast leikni í að:

• beita hlutheildun, innsetningu og brotaliðun við lausn heilda
• meðhöndla punkta, línur og fleti og leysa verkefni í þrívíðri rúmfræði
• setja upp og leysa fyrsta stigs deildajöfnur
• nota þrepasannanir til að sanna reglur tengdar runum og röðum

Nemandi skal geta hagnýtt þá almennu þekkingu og leikni sem hann hefur aflað sér til að:

• skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
• átta sig á tengslum ólíkra aðferða við framsetningu stærðfræðilegra hugmynda og viðfangsefna
• skilja merkingu og tengsl hugtaka í námsefninu og vinna með þau
• geta fylgt og skilið röksemdir og röksamhengi í mæltu máli og texta, þar með taldar sannanir í námsefni
• beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur.

Námsmat:
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar