Myndlist - MYLS1C05

Lýsandi heiti áfanga: úrganslist, starfsbraut
Framhaldsskólaeiningar: 5
Undanfari: Enginn

Lýsing á efni áfangans:
Áfanginn MYLS105 miðar að því að opna fyrir sköpunarkraft nemenda og gera þá óhrædda við að prófa, framkvæma og þróa hugmyndir sínar án þess að hræðast útkomuna.
Áhersla er lögð á hugmynda- og tilraunavinnu þar sem unnið er í og með ólík efni og miðla auk þess sem farið verður í grunnatriði teikningar, form- og litafræði.
Unnið verður með efni sem alla jafna er hent og gefa því nýtt líf þannig að nemendur kynnast því að í myndlist er hægt að vinna úr hvaða hráefni sem er og í hvaða miðli sem er.

Lokamarkmið áfanga:
Nemandi skal hafa aflað sér almennrar þekkingar og skilnings á:

• að myndlist er hægt að vinna úr hvaða hráefni sem er og í hvaða miðli sem er
• blöndun grunnlita í litatóna
• að hægt er að skapa raunveruleg verðmæti úr úrgangi
• vinnuumhverfi, vinnutækjum og áhöldum sinnar listgreinar
• mismunandi nálgun listamanna við listsköpun
• að miðla listsköpun sinni með því að sýna

Nemandi skal hafa öðlast leikni í að:

• beita skapandi hugsun
• blöndun lita og tóna
• skilningi á formum og uppbyggingu þeirra
• sjá möguleika í úrgangi sem öllu jafna er hent og gefa nýtt hlutverk
• beita mismunandi miðlunarleiðum í listsköpun sinni  
• leysa úr viðfangsefnum einn eða í samstarfi við aðra

Nemandi skal geta hagnýtt þá almennu þekkingu og leikni sem hann hefur aflað sér til að:

• vera skapandi í hugsun
• skapa list úr úrgangi
• fullvinna hugmyndir undir leiðsögn kennara
• skapa eigin verk byggt á eigin listrænum styrk undir leiðsögn kennara
• vinna á persónulegan hátt með eigin hugmynd og útfæra hana í myndverki með tilliti til lita-, og formfræði og myndbyggingar  
• standa að sýningu þar sem nemandinn miðlar listrænum styrk sínum
• tjá sig hiklaust og taka þátt í samræðum um myndlist við ólíka viðmælendur
• leysa úr viðfangsefnum einn eða í samstarfi við aðra
• þróa með sér aga, metnað, ábyrgð og jákvæðni í vinnubrögðum
• meta eigið vinnuframlag

Námsmat:
Í áfanganum er viðhaft símat alla önnina og lögð er áhersla á vinnusemi, sköpun og áræði.
Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar