Upplýsingatækni dreifmenntar, UTD2A05

Lýsandi heiti áfanga: Upplýsingatækni dreifnáms
Framhaldsskólaeiningar: 5
Undanfari: Enginn

Lýsing á efni áfangans:
Í þessum áfanga er lögð áhersla á að kenna undirstöðuatriði í notkun á tölvum og upplýsingamennt. Lögð er áhersla á að nemendur nýti sér hugmyndafræði dreifnáms og læri að skipuleggja sig í námi.
Leitast er við að nýta frían hugbúnað og þann hugbúnað sem er fyrir 
í tölvunni. Meðal annars prufa nemendur að vinna verkefni í meðal annars ritvinnslu, töflureikni, myndvinnslu, hönnunarforriti, teikniforriti og hljóðupptökuforriti. Nemendum er ekki bent á eitt forrit sem er réttara en annað heldur er þeim bent á nokkur forrit sem nýtast við úrvinnslu verkefnanna.
Áfanganum er ætlað að hjálpa nemendum að blanda saman verkþekkingu á tölvur og aðferðum og skipulagi í dreifnámi.

Lokamarkmið áfanga:
Nemandi skal hafa aflað sér almennrar þekkingar og skilnings á:

• helsta opna hugbúnaði sem er í boði
• ritvinnslu og töflureikni
• myndvinnslu og hljóðvinnslu
• tölvum og internet
• lögum og reglum sem snúa að tölvum og interneti
• hugmyndum dreifnáms

Nemandi skal hafa öðlast leikni í að:

• setja upp verkefni og ritgerðir eftir viðurkenndum leiðum
• nota heimildir og tilvísanir eftir APA kerfinu
• nota algengustu formúlur, jöfnur og gröf í töflureikni
• búa til margmiðlunarefni eins og stuttmyndir, teiknimyndir og hljóðefni
• nota gagnasöfn, orðabækur, þýðingavélar og leiðréttingarforrit
• nota viðeigandi hjálpargögn við frágang verkefna

• afla upplýsinga eftir fjölbreyttum leiðum
• nota þau forrit og vefi sem eru í boði við verkefnavinnu
• nota google docs og ýmis önnur frí forrit og tól sem eru í boði hverju sinni
• verða sjálfbjarga í að finna út hvað þeir geta notað sér til aðstoðar við verkefnavinnu

Nemandi skal geta hagnýtt þá almennu þekkingu og leikni sem hann hefur aflað sér til að:

• geta metið efni af neti á gagnrýninn hátt
• geta metið í hvaða formi hentar best að skila efni frá sér hverju sinni
• hafa tileinkað sér grunnhugmyndir varðandi dreifnám
• skipuleggja nám sitt

Námsmat:
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar