Stærðfræði - STÆ2A05

Lýsandi heiti áfanga: Tölur, mengi, jöfnur, rökfræði og talningarfræði
Framhaldsskólaeiningar: 5
Undanfari: Grunnskólapróf eða áfangi á 1. þrepi

Lýsing á efni áfangans:
Tölur, mengi, 1. og 2. stigs jöfnur, rökfræði og talningarfræði. Notkun vasareiknis og forrita við lausn stærðfræðilegra verkefna.

Lokamarkmið áfanga:
Nemandi skal hafa aflað sér almennrar þekkingar og skilnings á:

• deilanleika og frumþáttun talna, lotutugabrotum, náttúrulegum tölum, heilum tölum, ræðum tölum, rauntölum og bilum á rauntalnaásnum
• undirstöðureglum talna- og bókstafareiknings og jöfnum, 1. og 2. stigs
• einföldum mengjareikningi
• einfaldri talningarfræði og líkindareikningi í endanlegu líkindarúmi með jafndreifðum líkum
• grunnatriðum töflureiknis og einhvers sérhæfðs stærðfræðiforrits
• tugveldarithætti talna og staðalformi, mælingaskekkju
• yrðingarökfræði og sanntöflum
• fallhugtakinu, formengi falls og varpmengi

Nemandi skal hafa öðlast leikni í að:

• frumþátta tölur, breyta lotutugabrotum í almenn brot og fjalla um talnamengi af kunnáttu
• nota undirstöðureglur talna- og bókstafareiknings til einföldunar stærðtákna og útreiknings með vasareikni
• nota mengi og Vennmyndir til að leysa verkefni
• meta eða finna líkur á ýmsu sem fyrir kemur í daglegu lífi
• nota forrit til að leysa ýmis reikningsleg viðfangsefni
• nýta sér tugveldarithátt og mælinákvæmni til að bera saman tölur
• setja upp sanntöflu fyrir samsettar yrðingar

Nemandi skal geta hagnýtt þá almennu þekkingu og leikni sem hann hefur aflað sér til að:

• skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
• átta sig á tengslum ólíkra aðferða við framsetningu stærðfræðilegra hugmynda og viðfangsefna
• skilja merkingu og tengsl hugtaka í námsefninu og vinna með þau
• geta fylgt og skilið röksemdir og röksamhengi í mæltu máli og texta
• beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
• Takast á við stærðfræðileg verkefni með opnum og jákvæðum huga

Námsmat:
Nemendur vinna verkefni frá kennara saman í hóp eða einir eins og hverjum hentar. Í lok hverrar lotu taka nemendur lotupróf sem mynda lokaeinkunn

Birt með fyrirvara um breytingar